Այո՛, ես ինքս գնացել եւ կանգնել եմ Հովիկ Աղազարյանի կողքին. Հակոբ Ասլանյան

«Իրավունք»-ը զրուցել է ԱԺ «Քաղաքացիական պայմանագիր» խմբակցությունից եւ կուսակցությունից հեռացված անկախ պատգամավոր ՀԱԿՈԲ ԱՍԼԱՆՅԱՆԻ հետ:

— Ինչպե՞ս եք վերաբերվում նրան, որ Ձեր ՔՊ-ական նախկին գործընկերները ներկա չէին պատգամավոր Հովիկ Աղազարյանի կնոջ հոգեհանգստին։ Չէ՞ որ միասին քաղաքական ճանապարհ եք անցել:

— Գիտեք, եկեք էսպես պայմանավորվենք: Ես ինքս թող գնահատական տամ իմ կատարած գործողություններին: Մյուսների գործողությունների մասին չեմ ուզում խոսել: Օրինակի համար այդ հարցը ես կտայի հենց իրենց: Այո՛, ես ինքս գնացել եմ, կանգնել եմ այդ մարդու կողքին, որովհետեւ կյանքում երկու բան կա (սա հարցազրույցի համար չեմ ասում, այլ՝ որպես փիլիսոփայական միտք),երբ ուրախությունը կիսում ես՝ կրկնապատկվում է, երբ ցավը կիսում ես, պակասում է:

— Մամուլում նույնիսկ գրվեց, որ Նիկոլ Փաշինյանի դեմ քայլ էր բոլոր նրանց կողմից, ովքեր գնացին հոգեհանգստի, քանի որ ՔՊ ղեկավարությունը ներքին որոշում ուներ չգնալու: Դուք կարո՞ղ եք այս մասին կարծիք հայտնել:

— Ո՛չ:

ԴԻԱՆԱ ՄԱՆՈՒԿՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝