Ովքեր են 2024 թվականի լավագույնները

«Իրավունք» թերթի խմբագրական խորհուրդը, շարունակելով բարի ավանդույթները, այս տարի եւս, ամփոփելով անցնող` 2024 թվականը, եւ հաշվի առնելով բազմաթիվ ընթերցողների կարծիքները, ընտրել է տարվա ընթացքում իրենց գործունեությամբ տարբեր բնագավառներում աչքի ընկած լավագույններին: Այսպիսով՝

Ողջ տարվա ընթացքում հանրային դաշտում հոգեբանական կարեւոր դերակատարության եւ իր քաղաքացիական ու հայրենասիրական համարձակ դիրքորոշման համար՝ ՏԱՐՎԱ ԼԱՎԱԳՈՒՅՆ հոգեբան է ճանաչվել ԻՐԻՆԱ ԾԱՏՈՒՐՅԱՆԸ:

Պարարվեստում ծավալած ազգանպաստ գործունեության համար՝ ՏԱՐՎԱ ԼԱՎԱԳՈՒՅՆ գեղարվեստական ղեկավար է ճանաչվել «Արմենի» պարային համույթի հիմնադիր ԱՐՄԵՆ ԲՈԼՅԱՆԸ:

«ԱԶԴ» պարային ստուդիայի հիմնադիր, գեղարվեսատական ղեկավար ԶԱՎԵՆ ԽԱՉԱՏՐՅԱՆԸ պարային ոլորտում ունենացած ավանդի համար՝ ճանաչվել է ՏԱՐՎԱ ԼԱՎԱԳՈՒՅՆ պարուսույց:

ՏԱՐՎԱ ԼԱՎԱԳՈՒՅՆ զուգերգ է ճանաչվել «Две души...» երգը՝ երգիչներ ՋՈՒՍԻ եւ ՍԵՐԳ ԱԲՐԱՀԱՄՈՎԻ կատարմամբ:

Արցախի շունչը մշտարթուն պահելու համար՝ ՏԱՐՎԱ ԼԱՎԱԳՈՒՅՆ երգչուհի է ճանաչվել ԳԱՅԱ ԱՐԶՈՒՄԱՆՅԱՆԸ:

Ժողովրդական երգի ասպարեզում ունեցած ձեռքբերումների եւ հայրենիքի պաշտպանության գործում ունեցած ներդրման համար՝ ՏԱՐՎԱ ԼԱՎԱԳՈՒՅՆ երգիչ է ճանաչվել ՊԱՊ ԻՍՊԻՐՅԱՆԸ:

Հայաստանը «Նոր ալիք 2024» միջազգային մրցույթում ներկայացնելու եւ հաղթանակով վերադառնալու առթիվ՝ ՏԱՐՎԱ ԼԱՎԱԳՈՒՅՆ ձայն է ճանաչվել ԱՆԱՀԻՏ ՀԱԿՈԲՅԱՆԸ:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝