Լոս Անջելեսում բնակվող հայ հայտնիները՝ հրդեհներով պայմանավորված իրավիճակի մասին

Արդեն մի քանի օր է՝ Լոս Անջելեսը կորուստներ է կրում հրդեհների պատճառով։ Մոլեգնող աղետը մի շարք ավերածություններ է առաջացրել, շատերն անտուն են մնացել, կան տուժածներ ու զոհեր։ Որոշ տարածքներում մարդիկ դեռ սպասում են տարհանման հրամանի։ 

NEWS.am STYLE-ի հետ զրույցում դերասան Բեն Ավետիսյանը նշեց, որ, բարեբախտաբար, իրենց տարածքում իրավիճակը մեղմ է։ 

«Մեզ մոտ իրավիճակը կայուն է, մենք Բըրբանքում ենք, բայց մեր շուրջ բոլորը հրդհներ են»,-նշեց դերասանը։ 

Հաղորդավարուհի, խոսքերի հեղինակ Գայանե Ավետիյանը, նույնպես, տեղեկացրեց, որ իրենք լավ են։ «Փառք Աստծո, դեռ մեզ մոտ ամեն ինչ լավ է, Աստված պահապան Լոս Անջելեսին»։ 

Օրեր առաջ երգչուհի Լիլուն, անդրադառնալով իրավիճակին, Instagram-ի «Սթորի» բաժնում տեսանյութ էր տեղադրել․ «Մեզ մոտ ամեն ինչ նորմալ է, մենք այն տարածքում ենք, որտեղ հրդեհներ չկան, բայց, իհարկե, շատ ցավում ենք ու անհանգիստ ենք բոլոր այն մարդկանց համար, ովքեր կորցրին տներ եւ մեծ ցավի միջով անցան»,-հայտնել էր նա:

Դերասանուհի Եվա Բաղդասարյանը, որն այս շրջանում բնակություն է հաստատել ԱՄՆ-ում, ինստագրամյան «սթորի» բաժնում նույնպես տեղեկացրել էր, որ ինքը աղետային գոտուց հեռու է բնակվում, եւ իր հետ ամեն ինչ լավ է: Դերասանուհին շնորհակալություն է հայտնել իրեն ուղղված նամակների համար եւ նշել, որ անհանգիստ է Լոս Անջելեսում բնակվող իր մտերիմների համար:

«Սիրելիներս, անչափ շնորհակալ եմ ուշադրության համար, բայց ինձ համար մի  անհանգստացեք, քանի որ ես ապրում եմ շատ հեռու աղետից: Բայց ունեմ շատ ընկերներ ու հարազատներ, ովքեր ապրում են Կալիֆորնիայում, եւ շատ եմ անհանգստանում իրենց ապահովության համար: Աղոթենք, որ այս չարիքը շուտ վերջանա»,-գրել էր նա:

Հավելենք, որ հոլիվուդյան հայտնիներից շատերի տները ավերակների են վերածվել Կալիֆոռնիայում մոլեգնող հսկայական անտառային հրդեհների պատճառով

Այս թեմայով Կարդալ հաջորդը Մահացու վիրուսի թիրախում մինչւ հինգ տարեկան երեխաներն են. Նոր մանրամասներ » Ահազանգ. Դատավոր Տաշչյանը առաջնային ժառանգներին զրկել է ժառանգությունից հայցվորի հետ փոխկապակցված անձանց վկայության հիման վրա Աշխարհը պետք է ընդունի, որ Հայաստանն այլևս որբի գլուխ չի,որ ով ուզի, խուզի. Հայտնի փաստաբանի հայտարարությունը Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր ՇՏԱՊ. Արցախահայ հայտնի փաստաբանը շտապ հայտարարությամբ է հանդես եկել

Հավանեցի՞ր հոդվածը, կիսվիր ընկերներիդ հետ

Հետևեք մեզ Telegram-ում Բաժանորդագրվեք Iravunk-ի ալիքին Iravunk հավելված Ներբեռնեք և եղեք միշտ տեղեկացված