Մեքենաների վառելիքը «ֆուլ» սպասում ենք, տուժված քաղաքներն ահավոր վիճակում են. ինչ վիճակ է Գլենդելում

ԱՄՆ-ի Լոս Ան­ջե­լես քա­ղա­քում բռնկված խո­շոր հրդե­հի հե­տե­ւան­քով 30 հա­զար մար­դու հոր­դո­րել են լքել ի­րենց տնե­րը: Կա­լի­ֆոր­նիա­յի նա­հան­գա­պետն ար­տա­կարգ դրութ­յուն է հայ­տա­րա­րել: Նա բնա­կիչ­նե­րին կոչ է ա­րել զգոն լի­նել, ձեռ­նար­կել բո­լոր անհ­րա­ժեշտ մի­ջո­ցա­ռում­նե­րը: Հր­դե­հի է­պի­կենտ­րո­նում բնակ­վում էին մեծ թվով հա­յեր: Հայտ­նի է, որ ամ­բող­ջութ­յամբ այր­վել է Լոս Ան­ջե­լե­սի ա­մե­նա­հին հայ­կա­կան վար­ժա­րան­նե­րից մե­կը` Փա­սա­դե­նա­յի Սա­հակ-­Մես­րոպ հայ­կա­կան դպրո­ցը:

«Ի­րա­վունք»-ը կապ է հաս­տա­տել հայ դե­րա­սան, հան­դի­սա­վար, հա­ղոր­դա­վար ՅՈՒՐԻ ԻԳԻԹԽԱՆՅԱՆԻ հետ, ով մի քա­նի տա­րի է, ինչ բնակ­վում է Միաց­յալ Նա­հանգ­նե­րում: Հու­րա­խութ­յուն մեզ՝ նա ա­սաց, որ ի­րենք է­պի­կենտ­րո­նից բա­վա­կա­նին հե­ռու են:

«­Մենք Գ­լեն­դե­լում ենք: Այս­տեղ ա­վե­լի հան­գիստ է: Ի­հար­կե, լար­վա­ծութ­յուն կար ու կա մինչ հի­մա։ Ուղ­ղա­կի հի­մա քա­մին դադ­րել է, եւ ա­վե­լի հան­գիստ ենք։ Բայց, միեւ­նույնն է, փաս­տաթղ­թե­րը եւ ա­ռա­ջին անհ­րա­ժեշ­տութ­յան պա­րա­գա­նե­րը պատ­րաս­տել ենք, մե­քե­նա­նե­րի վա­ռե­լի­քը «ֆուլ» է: Ս­պա­սում ենք քա­ղա­քա­յին իշ­խա­նութ­յան հրա­հան­գին։ Տու­ժած քա­ղաք­ներն ա­հա­վոր վի­ճա­կում են, բայց, գի­տեք, այս­տեղ մար­դիկ եւ իշ­խա­նութ­յու­նը սո­վո­րեն նման կա­տակ­լիզմ­նե­րին։ Կա ա­պա­հո­վագ­րա­կան հա­մա­կարգ, ո­րը թանկ հա­ճույք է թվում, բայց այս­պի­սի դեպ­քե­րում նոր հաս­կա­նում ես` տվածդ գու­մար­ներն ուր են գնում։ Պաշտ­պան­ված ես իշ­խա­նութ­յան կող­մից ՝ դա սթրե­սից դուրս գա­լուն շատ է օգ­նում», - «Ի­րա­վունք»-ի հետ զրույ­ցում ա­սաց Ի­գիթ­խան­յա­նը:

Ի դեպ, նշենք, որ ԱՄՆ Կա­լի­ֆոր­նիա նա­հան­գի Լոս Ան­ջե­լե­սի հրշեջ վար­չութ­յու­նը Հո­լի­վու­դի մեր­ձա­կա շրջան­նե­րի բնա­կիչ­նե­րին եւս տար­հան­ման հրա­ման է տվել, ու ա­վե­լի քան 100 հա­զար մարդ ստիպ­ված լքել են ի­րենց տնե­րը։ Տար­հան­ման են­թա­կա տա­րածք­նե­րը նե­րա­ռում են Հո­լի­վու­դի Փառ­քի ծա­ռու­ղին եւ Dolby Theatre-ը, որ­տեղ մար­տի 3-ին նա­խա­տես­ված է «Օս­կար» մրցա­նա­կա­բաշ­խութ­յան ա­րա­րո­ղութ­յու­նը: Հր­դեհ­նե­րի պատ­ճա­ռով մրցա­նա­կի հա­վակ­նորդ­նե­րի ա­նուն­նե­րի հրա­պա­րա­կումն ար­դեն իսկ հե­տաձգ­վել է:

ՆԱՆԱ ՍԱՐԳՍՅԱՆ