«Հայոց աշխարհազոր»-ը պահանջում է ազատ արձակել Արթուր Վարդանյանին. հայտարարություն

«Հայոց աշխարհազոր» ռազմա-քաղաքական միավորումը դատապարտում է «Համահայկական ազգային պետականություն» կուսակցության առաջնորդ, հայրենանվեր գործիչ , ազատամարտիկ ՝ Արթուր Վարդանյանի նկատմամբ գործող իշխանության քաղաքական պատվերով, շինծու քրեական գործի հարուցումը, և ապօրինաբար նրան կալանքի ենթարկելը:

 

Մենք մեր զորակցությունն ենք հայտնում Արթուր Վարդանյանին , և նրա ընտանիքի անդամներին ու նրա զինակից , գաղափարակից ընկերներին: «Հայոց աշխարհազոր» ռազմա-քաղաքական միավորման Խորհուրդը պահանջում է Հայաստանի դատական իշխանությունից իրականացնել արդարադատություն և ազատ արձակել մեր զինակից ու գաղափարակից ընկեր Արթուր Վարդանյանին:

 

Մենք հայտարարում ենք, որ վաղ թե ուշ , գործող ապազգային իշխանությունը հեռացվելու է, Հայաստանում ձևավորվելու է նոր ազգային իշխանություն, որը մեր հայրենիքում հաստատելու է օրրինակաթյուն և իրականացնելու է մեր ժողովրդի նպատակները հետապնդող, մեր ազգային շահերից բխող, արտաքին և ներքին քաղաքականություն: Հայաստանում քաղաքական դրդապատճառներով՝ ապօրինաբար կալանավորված մեր հայրենակիցները ազատ են արձակվելու, իսկ Նիկոլ Փաշինյանը և նրա գաղափարակից պաշտոնյաները ու դատաիրվական համակարգի պատասխանատուները, ենթարկվելու են ՀՀ օրենսդրությամբ սահմանված կարգով դատական պատասխանատվության՝ ընդդիմադիր քաղաքական և հասարակական գործիչների հանդեպ շինծու քրեական գործեր հարուցելու և ապօրինաբար նրանց կալանավորելու համար:

 

Հայաստանում հաստատվելու է օրենքի գերակայություն և իրական արդարադատություն: Մենք հզորացնելու ենք մեր բանակը, բարելավելու ենք մեր հարաբերությունները արտաքին գործընկերների հետ, ազատագրելու ենք Արցախն ու հայրենիքի բռնազավթված տարածքները: Կեցցե այն Հայաստանը , որ վաղն է գալու: Ազատութուն Արթուր Վարդանյանին և ապօրինաբար կալանավորված բոլոր քաղբանտարկյալներին»: