Հնեաբանները Եգիպտոսում հայտնաբերել են 4000 տարվա դամբարան: Ներսից այն շատ «թարմ է»

Վերջերս պեղումների ժամանակ հնեաբանները Եգիպտոսում գտնվող Սակարա դամբարանադաշտում հայտնաբերել են հին ազնվական Հուվիի գերեզմանը, ով պատկանում է 5-րդ դինաստիային:

Դամբարանը շատ լավ է պահպանվել իր գունագեղ որմնանկարներով: Դամբարանի տարիքը, ըստ նախնական տվյալների՝ կազմում է ավելի քան 4 հազար տարի:

Եգիպտոսոսի մայրաքաղաք Կահիրեից դեպի հարավ ընկած հին մեծ դամբարանադաշտ Սակարայի մոտ գտնվող դամբարանը պատկանում է Հուվի անունով բարձր վարձատրվող չինովնիկին:

Ինչպես կարծում են, տղամարդը ազնվական է եղել 5-րդ դինաստիայի ժամանակաշրջանում: Ժամանակաշրջան, որն ընդգրկում է մ․թ․ա․ 25-րդ դարը:

Դամբարանը L-աձև է, սկսում է դեպի ներքև ձգվող երկար միջանցքից, իսկ այնտեղից դեպի մեծ խուց, որը պատված է զոհողության սեղանի մոտ նստած դամբարանի տիրոջը պատկերող գունագեղ որմնանկարներով:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝