Մխիթարյան, թե՞ Սուչիչ.Կիվուն դեռ վերջնական որոշում չունի Հայաստանի հավաքականում Տիկնիզյանն այլ դեմք է ցույց տալիս. հունական մամուլի դիտարկումները Մարտնչող «բարեփոխիչների» կլանը հերթական սուտն ու կեղծիքն է տարածում Ամենակարեվորն է, որ երեք առաջնորդները կարողացան նստել մեկ սեղանի շուրջ Պատահական չէ, որ Պուտինն ի ցույց դրեց «միջուկային ճամպրուկը» Զատկից հետո ներկած ձուն մեզ պետք չէ․ Շարմազանովը՝ Փաշինյանին Թքե՛ք այդ մանդատների վրա, պահել եք որ ի՞նչ․ Հայկ Բաբուխանյան «Անհաջողության ջենթլմենները» կրկին հանձնվում են Նիկոլը փորձում է Մոսկվային համոզել, թե ինքը Հայաստանը ԵՄ կազմում տեսնում է 20 տարի անց Խոշոր վթար Վանաձորի գլխավոր ճանապարհին. Տեսանյութ

Դեպի ուր է տանում ադրբեջանական ինքնաթիռը ռուսական հրթիռով խոցելու վարկածը

Միջազգային

Շարունակում է ակտիվորեն քննարկվել լուրը, թե «Ադրբեջանական ավիաուղիների» ինքնաթիռի երեկվա վթարի պատճառը ռուսական հրթիռն է:

Լուրը տարածել է Euronews՝ վկայակոչելով նախնական հետաքննությունը եւ ադրբեջանական կառավարության աղբյուրներին: Այն է` Գրոզնիի հատվածում ինքնաթիռի մոտ պայթել է ռուսական «երկիր-օդ» հրթիռը, որն արձակվել է անօդաչու թռչող սարքի հարձակման ժամանակ, եւ դա համընկել է ադրբեջանական ինքնաթիռի թռիչքին: Բեկորները հարվածել են ուղեւորներին ու բորտուղեկցորդներին, երբ այն պայթել է ինքնաթիռի կողքին։

Աղբյուրները նաև հայտնել են Euronews-ին, որ խոցված ինքնաթիռին թույլ չեն տվել վայրէջք կատարել ռուսական որևէ օդանավակայանում՝ չնայած օդաչուների՝ արտակարգ վայրէջք կատարելու խնդրանքին, և նրան հանձնարարվել է թռչել Կասպից ծովով դեպի Ղազախստանի Ակտաու ուղղությամբ։ Հաղորդվում է, որ օդանավի GPS նավիգացիոն համակարգերը խցանվել են ծովի վրայով թռիչքի ողջ ընթացքում:

Իսկ ահա ռուսական աղբյուրները փոխանցում են, որ ադրբեջանական ինքնաթիռը Գրոզնիի օդային հատված է մտել հրթիռային հարձակման ժամանակ, երբ գործել են ռուսական ռադիոէլեկտրոնային պաշտպանության համակարգերը: Դա էլ հանգեցրել է ադրբեջանական ինքնաթիռի օդագնացության համակարգի խցնման, ինչի պարագայում ինքնաթիռն այդ հատվածում վայրէջքի հնարավորություն պարզապես չուներ: Համակարգերը վերականգնվել են Կասպից ծովի հատվածում, եւ ինքնաթիռին հաջողվել է հասնել ղազախական օդանավակայանի գոտի:

Ավելին, ղազախական կողմը պաշտոնապես հաստատել է, որ կապի մեւ է եղել ինքնաթիռի հետ, այն վայրէջքի երկու փորձ է կատարել, սակայն բաձրության կտրուկ տատամումների պատճառով չի ստացվել: Հաջորդել ե անկումը: 

Այս ամբողջը բավականին նման է իրականությանը, սակայն պաշտոնական վարկածներ դեռ չկան: Այդ թվում, Ռուսաստանի եւ Ադրբեջանի կողմից: Բայց, եթե նշված վարկածը հաստատվի, ապա այլ հարցեր են առաջ գալիս: Ամեն դեպքում, անօդաչուների զանգվածային հարձակման պարագայում պարտադիր նոր է ինչպես ՌԷՊ համակարգի, այնպես էլ հակաօդային ողջ համակարգի գործարկումը` հրթիռային արձակումներով հանդերձ: Այդ պարագայում անօդաչուների համեմատ մեծ մակերեսով ինքնաթիռը կարող է նաեւ մագնիսի նման դեպի իրեն ձգել մի շարք տեսակի հրթիռներ, նաեւ հայտնվելով առնվազն թույլ կառավարելի վիճակում: Իսկ այդ դեպքում` պատահակա՞ն էր, որ ուկրաինական անօդաչուների գրոհը եւ ինթնառիթի մուտքն այդ գոտի համընկավ: Կամ, նման իրավիճակում ինչո՞ւ ինքնաթիռը կուրսը չի փոխել` մինչ օդային բախման գոտի մտնելը: Թե՞ հարձակումը սկսվել է այն պահին, երբ ինքնաթիռն արդեն այդ հատվածում էր եւ չէր կարող կուրսը փոխել:

Ի դեպ, երեկ տեղեկացրել էինք (https://iravunk.com/?p=301295&l=am), որ ուկրաինական աղբյուրներն այս օդային աղետը համարում են բրիտանական եւ ուկրաինական հատուկ ծառայությունների կողմից սարքած ավանտյուրա: Դա հեշտ է, բավական է անօդաչուների հարձակում նախաձեռնել այդ հատվածում քաղաքացիական ինքնաթիռների թռիչքի ժամանակ, եւ ավանտյուրան ինքն իրեն կսարքվի: Հայտնի կողմնորոշմամբ Euronews-ն իր այդ վարկածով ցույց տվեց, թե խաղի իմաստը որը կարող է լիել` ռուս-ադրբեջանական սուր հակասություն սկսելը: Բայց նաեւ, հենց այդ վարկածով մղում է այն մտքին, թե իրականում որտեղ կարող են լինել այս ամենի հիմքերը:  

 

Հավանեցի՞ր հոդվածը, կիսվիր ընկերներիդ հետ