Աղբահանության վճարը կհաշվարկվի ոչ թե անձերի քանակով, այլ քմ-երով. փոխքաղաքապետ

Աղբահանության վճարը, սովորաբար, գանձվում էր մարդաքանակի հիման վրա՝ բնակարանում փաստացի ապրող մարդկանց թվով։ Սակայն այժմ քաղաքապետարանը որոշել է փոխել սկզբունքը և վճարը սահմանել ըստ քմ-երի, այսինքն՝ յուրաքանչյուր քմ-ի համար 13 դրամ սակագին կհաշվարկվի։

Երևանի փոխքաղաքապետ Լևոն Հովհաննիսյանը լրագրողների հետ զրույցում անդրադառնալով խնդիր և փոփոխությանը իր օրինակը բերեց․

«Ճշգրտության մասով երբեմն խնդիր է լինում, 4-5 տարի առաջ աղբանության տեսուչը եկավ և ասաց, թե տեղեկություն ունի, որ մենք բնակարանում ապրում ենք 5 հոգով, այնինչ բնակվում էինք 2-ով: Այսինքն տվյալները համատիրություններից ստանալը այնքան էլ ճիշտ գործիքն չէ: Կան քաղաքներ, որոնք գանձում են ըստ անձնագրային տվյալների, այսինքն տեսնում են՝ քանի հոգի է գրանցված: Մենք որոշել ենք անցնենք այս սանղակին, որը իմ կարծիքով ավելի ճիշտ է և ավելի ռացիոնալ է»,- նշեց նա:

Հովհաննիսյանն ասաց, որ քաղաքապետարանը որոշել է անցնել ըստ բնակարանների տարածքի գանձման։

Փոխքաղաքապետը ակնկալեց, որ փոփոխությամբ Երևան քաղաքի մաքրության առումով դրական կլինի՝ հայտնելով, որ այդ նպատակով բաև 600 մլն դրամի բազմաֆունկցիոնալ նոր մեքենաներ է ձեռք բերելու։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝