Այս պահին Փաշինյանի նպատակը՝ պարզապես նոր ընտրություններ անցկացնելն է. Մելիք-Շահնազարյան

«Իրավունք»-ը «Ոսկանապատ» վերլուծական կենտրոնի ղեկավար, քաղաքագետ ՀՐԱՆՏ ՄԵԼԻՔ-ՇԱՀՆԱԶԱՐՅԱՆ-ից հետաքրքրվել է, թե վերջապես ՔՊ-ի ներսում կատարվող ներկայիս իրավիճակն ինչ է նշանակում, եւ պաշտոնանկությունների շղթան մինչեւ որտե՞ղ է հասնելու:

— Այս ամենի մասին խոսելիս նախ պետք է նշեմ այն, որ Նիկոլ Փաշինյանը ընդամենը փորձում է մեղավորներ կարգել, ինչպես նաեւ պետական համակարգի որոշ ուղղություններում ձախողումների համար մեղավորների որոշել, որպեսզի հենց այդկերպ նրանք կարողանան պատրաստվել արդեն նոր ընտրություններին: Ավելին ասեմ, անում է նաեւ այդպես, որպեսզի հանրային դժգոհությունները կամ մեղադրանքները ուղղվեն ոչ թե դեպի հենց իր իսկ անձի կողմը, այլ նաեւ դեպի այլ պաշտոնատար անձանց, որոնք պետք է կրեն այդ բոլոր ձախողումների պատասխանատվությունն իրենց իսկ վրա: 
Իմ կարծիքով՝ առաջին հերթին այս ամենն ընդամենը քարոզչական մի գործընթաց է կամ էլ, այսպես ասած, իրենց հեղինակությունը բարձրացնող քարոզչական քայլ է, որն էլ իր կողմից անում է հենց Նիկոլ Փաշինյանը: Վերջինիս կողմից իրականացված քայլերն, իհարկե, այնքան էլ լրջագույն չեն եւ դրանց, որպես այդպիսին, նաեւ տալ լուրջ գնահատական, կարծում եմ, եւս տեղին չէ: Պարզապես, նոր ընտրություններ անցկացնելն է այս պահին նրանց գլխավոր նպատակը, եւ վերջիններիս կողմից իրականացված քայլերն էլ ինչպես նկատում ենք, ըստ տրամաբանության, տանում են հենց դրան: Ես նաեւ, ըստ իս, այժմ որպես այդպիսին՝ քարոզչական, ինչպես նաեւ պոպուլիստական քայլեր անելու անհրաժեշտություն կա: Քաղաքական այս ուժի կողմից իրականացվելիք քայլերը դիտարկելիս կարելի է գալ հենց այն համոզման, որ Փաշինյանն այս պահի դրությամբ դարձյալ ընտրություններ անցկացնելու իր թեզն է առաջ տանում:

ԴԻԱՆԱ  ՄԱՆՈՒԿՅԱՆ

Հ.Գ. - Շարունակությունը կարդացե՛ք թերթի առաջիկա համարներից մեկում:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝