Աննա Հակոբյանը պաշտպանո՞ւմ է Նազենիին, թե՞ մունաթ է գալիս

Նիկոլ Փաշինյանի տիկին ԱՆՆԱ ՀԱԿՈԲՅԱՆՆ իր ֆեյսբուքյան պաշտոնական էջում գրառում է կատարել, որտեղ, ըստ երեւույթին, պաշտպանել է դերասանուհի Նազենի Հովհաննիսյանին՝ նորաձեւության շաբաթվա ընթացքում նրա ցուցադրած հագուստի ու կերպարի շուրջ առկա քննադատությունների հետ կապված: Բայց զարմանալին այն է, որ այդ գրառմամբ՝ իրականում Աննա Հակոբյանը շատ ավելի պաշտպանում է կնոջ հանդեպ հանրային քննադատությունը, քան թե հենց դերասանուհուն։ Փաշինյանի տիկինը ցավ է արտահայտում հանրային մեծ քննադատության համար եւ ձեռքի հետ էլ բարոյական դասեր է տալիս քննադատողներին։

Տիկինը, հավանաբար, հիշել է կանացի սոլիդարության մասին, որովհետեւ մի քանի օր առաջ իր հանդեպ էր հանրային մեծ քննադատության ալիք բարձրացել, երբ նոյեմբերի 9-ին իր ամուսնու թիվ մեկ պատասխանատվությամբ Հայաստանի համար մի նոր ողբերգական էջի պատճառով հայոց մայրերի սրտերը ողբով ու կարոտով լցված՝ գնում էին Եռաբլուր պանթեոն, իսկ համացանցը ողողվել էր Տանզանայում իր լիակատար հանգստից լուսանկարներով:  Այսինքն՝ կարելի՞ է հանրային կերպով նման լուսանկարներ հրապարակել ու այդ քայլով աղ լցնել 100 հազար տեղահանաված եւ 5 հազար քաջարի զոհերի հարազատների վերքերի եւ մեր ամբողջ ազգի ողբերգության վրա, իսկ քննադատել չի՞ կարելի: Ու այսքանից հետո սույն տիկինը իրեն իրավունք է վերապահում կիսապաշտպանողական տողատակային տեքստերով հանդես գալ։

Հիմա Հակոբյանը հանրության ու նույն Նազենիի վրա մունա՞թ է գալիս, որ իրեն քննադատել են ու ոչ ոք չի պաշտպանել, թե՞, իրոք, դաշտում առաջացած փոթորիկներից գլուխ չի հանում, թողնում ենք հանրության դատնի։ Սակայն, մի բան, այդուհանդերձ, անհասնականալի է, այդ ինչպե՞ս է տիկինը հաշվել, որ քննադատությունները տեւել են 18 ժամ 40 րոպե, միգուցե սա՞ էլ «11 հազար դավաճաների» հայտարարության նման մի հաշվարկ է, ո՞վ իմանա։ Հիշեցնենք, որ դեռեւս մեկ տարի առաջ Աննա Հակոբյանը պնդում էր, թե հայկական կողմն ունեցել է 11.000 դասալիք, ինչն այդպես էլ չհաստատվեց, ընդ որում, դա չէր հաստատել անգամ ՀՀ քննչական կոմիտեն՝ Արգիշտի Քյարամյանի նախագահությամբ:

ՀՐԱՆՏ ՍԱՐԱՖՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝