Արդյո՞ք ցուրտ ձմեռ է սպասվում…Գագիկ Սուրենյանը մանրամասնում է
Եղանակ
Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը «Հայկական ժամանակ»-ի հետ զրույցում հայտնել է, որ մինչև նոյեմբերի 2-ը ներառյալ երկիրը գտնվելու է անտիցիկլոնի ազդեցության գոտում:
Նրա խոսքով՝ հանրապետության ողջ տարածքում կդիտվի առանց տեղումների եղանակ, օդի ջերմային ֆոնում էական տատանումներ չեն կանխատեսվում:
«Ներկա պահին օդի ջերմաստիճանը հանրապետության ողջ տարածքում կլիմայական նորմայից ցածր է մոտ 3-5 աստիճանով: Վերջին 10 օրերին արձանագրում ենք տարվա այս ժամանակահատվածին ոչ բնորոշ բավականին ցածր ջերմային ֆոն, հատկապես՝ գիշերային ժամերին լեռնային բնակավայրերում, ինչպիսին է՝ Աշոցքը, Գավառը և այլն. վերջին օրերին գիշերային ժամերին դիտվել է մինչև -10 աստիճան ցուրտ, Արարատյան դաշտում վերջին երեք օրերին գրանցվել է մինչև -2-4 աստիճան ցուրտ: Եթե անցյալ տարի Արարատյան դաշտում առաջին բացասական ջերմաստիճանները գրանցվել էին նոյեմբերի 23-ին, ապա այս տարի՝ հոկտեմբերի 23-ին, այսինքն՝ ջերմային ֆոնով, անցյալ տարվա հետ համեմատած, մեկ ամիս ավելի մոտ ենք ձմռանը»,- մանրամասնել է Սուրենյանը:
Հարցին՝ կարելի՞ է ենթադրել, որ այս տարի կլինի ավելի ցուրտ ձմեռ, վերջինս պատասխանել է. «Նախնական գնահատականով՝ այս տարվա պրոցեսները և աշունը բավականին նման են 2016 թվականին, որին հաջորդել է 2017 թվականի ցուրտ ձմեռը, բայց սա վերջնական եզրակացություն չէ ձմռան կանխատեսման, դա պարզ կլինի նոյեմբերի 3-րդ տասնօրյակում: Ամեն դեպքում կրկնեմ, որ, նախնական տվյալներով, մթնոլորտի շրջանառությունը շատ նման է 2016 թվականին»:
Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը նաև տեղեկացրել է, որ նոյեմբերի 3-ից սկսած՝ Սև ծովից եկող պրոցեսներ կլինեն, որոնք այս պահի դրությամբ այդքան ինտենսիվ չեն. «Առանձին հատվածներում հնարավոր են տեղումներ, բայց՝ ոչ ինտենսիվ և ոչ համատարած, այսինքն՝ դրանք կլինեն կարճատև՝ ՀՀ առանձին հատվածներում: Նոյեմբերի 5-ից կունենանք ջերմաստիճանի հավելյալ անկում՝ մոտ 3-4 աստիճանով այս օրերի համեմատ, այսինքն՝ եղանակի տաքացման պետք չէ սպասել, նվազման պրոցեսը, նախնական գնահատմամբ, կշարունակվի»:
Այսօր սպասվում է առանց տեղումների եղանակ
Առանձին շրջաններում սպասվում է կարճատև անձրև և ամպրոպ
Մարզերում խորը ձմեռ է այլեւս. Տեսանյութ
Սպասվում է անձրև, հնարավոր է նաև ամպրոպ. օդի ջերմաստիճանը կնվազի
1
4349 դիտում
2
3967 դիտում
3
3455 դիտում
4
2582 դիտում
5
1986 դիտում
1
8537 դիտում
2
5718 դիտում
3
4863 դիտում
5
4272 դիտում
1
31501 դիտում
2
19646 դիտում
3
17775 դիտում
4
11486 դիտում
5
11442 դիտում
