Նիկոլի ինքնախոստովանությունը. ԸՆԿԵՐ ՓԱՆՋՈՒՆԻ

ՍՈՒՐԲ ՏԵՂԸ ԴԱՏԱՐԿ ՉԻ ԼԻՆՈՒՄ

(ՎՐԱՍՏԱՆԻ ԸՆՏՐՈՒԹՅՈՒՆՆԵՐԻՑ ՀԵՏՈ` ԸՆԴԴԻՄՈՒԹՅԱՆ ՄԱՆԴԱՏՆԵՐԻՑ ՀՐԱԺԱՐՎԵԼՈՒ ԿԱՊԱԿՑՈՒԹՅԱՄԲ)

 Հայաստանի ընդդիմությունից հայտնում են, որ եթե Վրաստանի ընդդիմությունը մանդատները չվերցնի, ապա իրենք վերցնեն։

 **

ԱՎԱՐԱՌՈՒՆ

(ՍԱՍՈՒՆ ՄԻՔԱՅԵԼՅԱՆԻ` ՆԱԽԿԻՆՆԵՐԸ ԲԱՆԱԿԸ ԹԱԼԱՆԵԼ ԵՆ ՀԱՅՏԱՐԱՐՈՒԹՅԱՆ ԿԱՊԱԿՑՈՒԹՅԱՄԲ)

Կոռուպցիայի դեմ պայքարի համաշխարհային հանձնաժողովից հայտնում են, որ Սասուն Միքայելյանի դիզած անսահման կարողությունը նախկինների թալանի մասից չէ, այլ նրա ապուպապն է այն ձեռք բերել մոնղոլ-թաթարների արշավանքի ժամանակ։

**

ԼԱՎ Է ՈՒՇ, ՔԱՆ ԵՐԲԵՔ

(ՎՐԱՍՏԱՆԻ ՀԱՅԱՇԱՏ ԲՆԱԿԱՎԱՅՐԵՐՈՒՄ ՌՈՒՍԱՄԵՏ ԻՇԽՈՂ ՈՒԺԻՆ 90%- Ի ՉԱՓՈՎ ՁԱՅՆ ՏԱԼՈՒ ԿԱՊԱԿՑՈՒԹՅԱՄԲ)

Ըստ քաղտեխնոլոգների` վրացահայերի մոտ, ամենայն հավանականությամբ, գործել է հայի հետին խելքի սինդրոմը։

 **

ԳՈՂ` ՍԻՐՏԸ ԴՈՂ

Մտավախություն ունեմ, որ կարող է կրկնվել հոկտեմբերի 27-ը, վերջերս էլ ԱԱԾ-ն մի խումբ բացահայտեց:

Անդրանիկ Քոչարյան։

 **

ՎՐԱՍՏԱՆԸ ՎԿԱ

(ՍԱՍՈՒՆ ՄԻՔԱՅԵԼՅԱՆԻ` ՀԱՅԱՍՏԱՆԸ ԱՆԿԱԽ ՉԷՐ, ՖՈՐՊՈՍՏ ԷՐ ՀԱՅՏԱՐԱՐՈՒԹՅԱՆ ԿԱՊԱԿՑՈՒԹՅԱՄԲ)

 Ըստ գենդերիստի, եթե ֆորպոստի ժամանակ հայերը իրենց լիարժեք տղամարդ էին զգում Ռուսաստանում, ապա Սասունի «անկախ» վիլայեթում թուրքերն են իրենց լիարժեք զգալու Հայաստանում։

***

ՆԻԿՈԼԻ ԻՆՔՆԱԽՈՍՏՈՎԱՆՈՒԹՅՈՒՆԸ

(«ԿԱՐԵԼԻ Է ՀԱԶԱՐԱՎՈՐ ԿԱԼՈՐԻԱՆԵՐ ԾԱԽՍԵԼ, ԲԱՅՑ ԶՐՈ ԱՐԴՅՈՒՆՔ ՍՏԵՂԾԵԼ.ԱՇԽԱՏԱՆՔԸ ՏԱՌԱՊԱՆՔ Է,  ԹԵ՞ ՎԱՅԵԼՔ» ՆԻԿՈԼԻ ԱՐՏԱՀԱՅՏՈՒԹՅԱՆ ԿԱՊԱԿՑՈՒԹՅԱՄԲ)

Հեծանիվ քշելով` հազարավոր կալորիաներ եմ ծախսում, բայց զրո արդյունք: Երկու այդքան էլ ուտում եմ, երկիրը զարգացնելու ժամանակ էլ չի մնում:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝