Վրաստանի ներքաղաքական կայունությունը կարևոր է նաև Հայաստանի համար. Հասմիկ Մելիքսեթյան

 

— Ընտրություններն արդեն ավարտվել են, բայց ինչպես գիտենք, ընդդիմությունը չի ընդունում ընտրության արդյունքները, եւ կրկին դուրս են գալու փողոց ու փորձելու են պաշտպանել, այսպես ասած, իրենց ձայները: Վրացական ընդդիմադիր «Հանուն փոփոխությունների կոալիցիա»-ն («Ախալի», «Դրոա», «Գիրչի») եւ «Միասնության» («Միացյալ ազգային շարժում», Աղմաշենեբելիի ռազմավարություն», «Եվրոպական Վրաստան») ուժերը հայտարարել են, որ չեն ճանաչում խորհրդարանական ընտրությունները եւ հայտարարել են իրենց գործողությունների պլանը։ Խորհրդարան են անցել ընդդիմության չորս հիմնական այդ կոալիցիաներն ու միավորումները, ինչպես նաեւ նախկին վարչապետի ղեկավարած կուսակցությունը: Կարող եմ նշել, որ Վրաստանն այժմ խմորումների մեջ է գտնվում եւ ժամանակը ցույց կտա, թե կողմերն ինչպե՞ս կկարողանան համաձայնության գալ կամ արդյո՞ք կկարողանան գալ այդ համաձայնությանը, թե՝ ոչ:

Ինչ վերաբերում է այն հարցին, թե այդ ամենն ինչպե՞ս կազդի տարածաշրջանի վրա, ապա կարելի է ասել, որ ընդհանրապես, Վրաստանում եւ ցանկացած հարեւան երկրում տարատեաակ այդ իրադարձություններն ու լարվածություններն իրենց ազդեցությունն են ունենում ուղղակիորեն կամ անուղղակիորեն նաեւ մյուս երկրների վրա: Մեր պարագայում, երբ Վրաստանը մեզ համար չափազանց կարեւոր երկիր է իր ունեցած տարանցիկ նշանակության, ինչպես նաեւ մեր ռազմավարական համագործակցության այդ շրջանակներում, ապա կարելի է ասել, որ մենք շատ կարեւորում ենք Վրաստանում այդ ներքաղաքական կայունությունը, ինչը կարող է ազդել եւ որոշակիորեն դանդաղեցնել նաեւ մեր հարաբերությունների դինամիկ զարգացմանը:Թե ի՞նչն էր առաջին հերթին կանխատեսելի, ապա կարող ենք ասել այն, որ ցանկացած արդյունքի պարագայում լինելու էին այդպիսի իրավիճակներ, ինչպես նաեւ լինելու էր պայքար, քանի որ որեւէ կողմ պատրաստ չէ չասեմ զիջման, քանի որ այստեղ այնքան էլ զիջման հարց չէ, ամեն դեպքում՝ պատրաստ չէ առանց որեւէ պայքարի հանձնվել եւ առանց պայքարի ընդունել այս արդյունքները:

 

 

Հավանեցի՞ր հոդվածը, կիսվիր ընկերներիդ հետ՝

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝