Ռուսական բանակի խորը ճեղքում է իրականացրել հարավդոնեցկյան ռազմաճակատում (Ֆոտո, քարտեզ)

Ռուսական բանակի խորը ճեղքում է իրականացրել հարավդոնեցկյան ռազմաճակատում` Ուգլեդարի հյուսիսային հատվածում` Կուրախովկոյի ուղղությամբ:

Այսպես, այսօր առավոտից ճեղքելով ուկրաինական պաշտպանությունը Զոլոտայա Նիվայի հատվածում` ռուսական ուժերն արագ թռիչքով դուրս են եկել Շախտերսկոյե բնակավայր (Քարտեզում): Օրվա երկրորդ կեսի դրությամբ ավանը համատարած կրակի տակ էր, եւ վերջին տվյալներով ավելի ուշ ժամերի ռուսական ուժերն արդեն Շատյորսկոյեում էին:

Տեղի ունեցածը նշանակում է հետեւյալը: Նախ, ռուսական ուժերը ֆիզիկական վերահսկողություն են սահմանել Շախտյորսկոյեի հարավով Վելիկայա Նովոսելովկայից` Կուրախովո տանող ճանապարհի վրա: Վելիկայա Նովոսելովկան հարավդոնեցկյան ճակատում ուկրաինական առանցքային հանգույցներից է, եւ այն կտրելով Ուգլեդարի գոտուց, այս հատվածում ուկրաինական ուժերի համար լրացուցիչ էական խնդիրներ են ստեղծվում` մատակարարումների եւ համալրումների հետ կապված: Առավել եւս, որ այս պահին ռուսները գրոհում են նաեւ Բոգոյավլենկան, որը դեպի Կուրախովոյի արեւմտյան գոտի տանող ուղղությամբ ուկրաինական վերջին ամուր պաշտպանական կետերից է:

Հաջորդը, Շատյորիսկը եւ Բոգոյավլենկան գրավելու դեպքում ռուսները կալն ճակատով կարող են գրոհել Կուրախովոյից դեպի արեւմուտք տանող ճանապարհի ուղղությամբ, որի ուղղությամբ խոշոր հարձակում կսկսվի նաեւ ամենամոտ օրերս, երբ ռուսները վորջնականապես կմաքրեն Սելիդովո-Գորնյակ հատվածը:

Վերջապես, գրավելով Շաղտյորսկը, ռուսները կարող են դուրս գալ Վելիկայա Նովոսելովկայի թիկունք` բոլոր հասկանալի հետեւանքներով հանդերձ:

Այսպիսով, ռուսական ուժերի հիշատակված ճեղքումն ուկրաինական բանակի համար հերթական մասշտաբայի խնդիրն է ստեղծում, որը թե ինչպես կարող են լուծել` բոլոր ռազմաճակատներում մասշտաբային այլ խնդիրների եւ ռեզերվների խիստ սակավության պայմաններում, դժվար է ասել:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝