ՔՊ-ի նավում բունտ է. ԸՆԿԵՐ ՓԱՆՋՈՒՆԻ

ԷԼ ԳՈՂԱԿԱՆ ՓԻՍՈ, ԷԼ ՔԱՉԱԼ ՇՈՒՆ

(ԱԺ-ՈՒՄ ՀՈՎԻԿ ԱՂԱԶԱՐՅԱՆԻ ԵՎ ԱՐԳԻՇՏԻ ՔՅԱՐԱՄՅԱՆԻ ՄԻՋԵՎ ՏԵՂԻ ՈՒՆԵՑԱԾ ԳԶՎՌՏՈՑԻ ԿԱՊԱԿՑՈՒԹՅԱՄԲ)

 Ժամանակով Արգիշտին ճոն էր, հովիկն էլ գլխին գդակ չուներ։

 **

ՖԻԱՍԿՈ

(ԱՐԳԻՇՏԻ ՔՅԱՐԱՄՅԱՆԻՆ ՊԱՇՏՈՆԱՆԿ ԱՆԵԼՈՒ ԳՈՐԾԸՆԹԱՑ ՍԿՍԵԼՈՒ ԼՈՒՐԵՐԻ ԿԱՊԱԿՑՈՒԹՅԱՄԲ)

 Ըստ թեոլոգների, եթե Նիկոլի դաբրոյով Արգիշտիի նկատմամբ պաշտոնանկության գործընթաց սկսվի, ապա Կոտայքի թեմի առաջնորդի աղոթքներն էլ նրան չեն փրկի։

 **

 ԱՄՊԼՈՒԱ

 (ԱՆԴՈՆԻ ԿՈՂՄԻՑ` ԱԺ ՔՆՆԱՐԿՄԱՆԸ ԱՐԳԻՇՏԻ ՔՅԱՐԱՄՅԱՆԻՆ ԻՐ ՀԱՍՑԵԻՆ ՀՆՉԱԾ ՔՆՆԱԴԱՏՈՒԹՅԱՆԸ  ՊԱՏԱՍԽԱՆԵԼՈՒ ՀՆԱՐԱՎՈՐՈՒԹՅՈՒՆ ՉՏԱԼՈՒ ԿԱՊԱԿՑՈՒԹՅԱՄԲ)

 Լեննականից հայտնում են, որ Անդոնի համար իմ ու քոնը չկա, որտեղ անդոնությունը բռնում է, այնտեղ էլ անում է։

 **

ԱԽՔՅԱՆ ՇՈՒՏԱՍԵԼՈՒԿ

 (ԱԽՔ-Ի ԿՈՂՄԻՑ` ԺՈՂՈՎՐԴԻՆ ԱԼՅՈՒՐԻ ՓՈԽԱՐԵՆ` ԲՐԻՆՁ ՕԳՏԱԳՈՐԾԵԼ ԿՈՉ ԱՆԵԼՈՒ ԿԱՊԱԿՑՈՒԹՅԱՄԲ)

Բրինձ, բրինձ, հերթը հասավ ինձ։

**

SOS

 Ըստ քաղտեխնոլոգների` ՔՊ-ի նավում բունտ է, որի հետեւանքը լինելու է նրա անխուսափելի խորտակումը, այնպես որ, առաջիկայում սպասվում է հոծ առնետավազք։

**

ԺԱՄԱՆԱԿԱԿԻՑ ԳԻՔՈՐԸ

Նիկոլի տունը կռիվ էր ընկել, Անդոնը ուզում էր Քյարամյանին հանել, իսկ Նիկոլը լռում էր:

**

ԺԱՄԱՆԱԿԱԿԻՑ ՌՈԲԻՆ ՀՈՒԴԸ

(ԹՈԽՄԱԽԻ ՄՀԵՐԻ ՏՂԱՅԻ ԸՆԿԵՐՈՒԹՅՈՒՆԻՑ ՄԻԼԻԱՐԴԱՎՈՐ ԴՐԱՄՆԵՐԻ ՊԵՏԱԿԱՆ ԳՆՈՒՄՆԵՐ ԿԱՏԱՐԵԼՈՒ ԿԱՊԱԿՑՈՒԹՅԱՄԲ)

Ըստ էպոսագետների` Նիկոլը ժամանակակից Ռոբին Հուդն է, Իլհամից 5 միլիարդ վերցնում է եւ բաժանում «աղքատ» օլիգարխ Թոխմախի Մհերի որդուն, որ սովից չմեռնի:

**

ԿԻՐԹ ԳՈՐԾԸՆԿԵՐԸ` ՆԻԿՈԼԻՆ

(ԽԱՂԱՂՈՒԹՅԱՆ ՊԱՅՄԱՆԱԳՐԻ ՉՀԱՄԱՁԱՅՆԵՑՎԱԾ ԴՐՈՒՅԹՆԵՐԸ ՀԵՏՈ ԹՈՂՆԵԼՈՒ ՎԵՐՋԻՆԻՍ ԱՌԱՋԱՐԿԸ ՄԵՐԺԵԼՈՒ ԿԱՊԱԿՑՈՒԹՅԱՄԲ)

«Ռոսիա» կինոթատրոնի բաղնիքից հայտնում են, որ Իլհամը Նիկոլին հարցրել ա` արդյոք նա լողանալուց մարմնի մի մասը լվանում է, իսկ չլվացածը թողնում առաջիկայի հարմար առիթներին:

**

ՏԱՐԱԾԱՇՐՋԱՆԻ  ՏՎՈՂԸ

(ՆԵՐԿԱ ԻՇԽԱՆՈՒԹՅՈՒՆՆԵՐԸ ԴՊՐՈՑՆԵՐԻՆ ԸՆԴՀԱՆՈՒՐ 6500 ՀԵԾԱՆԻՎ ԲԱԺԱՆԵԼՈՒ ԿԱՊԱԿՑՈՒԹՅԱՄԲ)

Ադրբեջանի Միլիմեջլիսը Նիկոլին ճանաչել է Անդրկովկասի ամենաձեռնաբաց ղեկավարը, ով ինչ ուզում ա, տալիս ա, Ադրբեջանին հողեր տվեց, դպրոցականներին ամռանը պաղպաղակ, աշնանը` հեծանիվներ…

**

ՆԵՐԻՐ ԻՆՁ, ՄԱՄԱ

(ՍԱՄՎԵԼ ԲԱԼԱՍԱՆՅԱՆԻՆ ՔՊ ԻՇԽԱՆՈՒԹՅՈՒՆՆԵՐԻ ԿՈՂՄԻՑ ՁԵՐԲԱԿԱԼՄԱՆ ՈՐՈՇՈՒՄ ԿԱՅԱՑՆԵԼՈՒ ԿԱՊԱԿՑՈՒԹՅԱՄԲ)

Ըստ պաստառագիրների` Սամվել Բալասանյանը իր ճակատին ՔՊ էլ կգրեր, ուղղակի ճակատի վրա նույնիսկ երկու տառի տեղ էլ չի մնացել:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝