Լեհական համայնքը խնդիրների չի հանդիպել Հայաստանում

 Օրերս Երեւանում՝ Անգլիական այգում, նշվեց ՀՀ ազգային փոքրամասնությունների տոնը: Միջոցառումը դարձել էր հիանալի առիթ, որպեսզի հայերի կողքին ապրող եւ իրենց մշակութային հարուստ ժառանգությունը պահպանող ազգային բոլոր փոքրամասնությունները նշեն իրենց ձեռքբերումները Հայաստանում: Այս տոնն ապացուցեց, որ Հայաստանը շատերի ընդհանուր տունն է, որտեղ տարբեր համայնքներ խաղաղությամբ եւ համերաշխությամբ ապրում են, փոխանակում իրենց մշակույթն ու ավանդույթները եւ միասին ձեռք են բերում համատեղ հաջողություններ։ Այս մասին «Իրավունքը» զրուցել է լեհական համայնքի նախագահ ԼԻԱՆԱ ՀԱՐՈՒԹՅՈՒՆՅԱՆԻ հետ:

 

 

— Ազգային փոքրամասնությունների օրը յուրաքանչյուր համայնք փորձում է ներկայանալ, ինչով կարող է: Մենք ինքներս, օրինակ, ներկայացնում ենք մեր երգչախումբը, ինչպես նաեւ գեղեցիկ տաղավար ունենք, որը ցուցադրության շրջանակում ներկայացնում ենք տարբեր մարդկանց, որոնք հետաքրքրված են մեր ազգային արժեքներով: Դրանից զատ, ցուցադրության մեջ նաեւ մեր մասին պատմող տպագրված ամսագրերն են, թե ինչպե՞ս է լեհ համայնքը ստեղծվել եւ ի՞նչ գործունեություն է ծավալում: Տարբեր գրքեր ունենք, ինչպես նաեւ Լեհաստանի մասին թռուցիկներ, գրքեր, որոնք կարող են անցորդները վերցնել, երաժշտությամբ հետաքրքրվողները կարող են նաեւ ձայնասկավառակ ձեռք բերել: Այդ ամենն անվճար է:

 

 

— Հավատացեք, լեհական համայնքը խնդիրների չի հանդիպել Հայաստանում: Չենք ունեցել խնդիրներ, որ դիմենք եւ հարցին լուծում չստանանք: Չեմ կարծում, որ որեւէ խնդիր ունեցել ենք: Ո՛չ, չկա:

 

 

— Պետք է նշեմ, որ լեհական համայնքում դասավանդում են լեհերեն՝ երկուշաբթիից ուրբաթ օրերին, եւ այդ ամենն անվճար են անցկացնում: Գրքերը նաեւ ստանում ենք Լեհաստանից: Այնպես որ, լեզվի եւ գրքի խնդիր չունենք: Համայնքը ֆինանսավորվում է Լեհաստանի կողմից: Ամբողջ տարին ունենք վայր, որտեղ սովորում ենք լեհերեն եւ լեզվի խնդիր երբեք չենք ունեցել Հայաստանում: