Ուսպենսկայայի դուստրը հայտնաբերվել է, բայց անհետացել է Վիտալի Բորոդինը՝ Տատյանայի անհետացման մասին հայտնողը

Երգչուհի Լյուբով Ուսպենսկայայի դուստրը՝ Տատյանա Պլաքսինան հայտնաբերվել է։ Այս մասին հաղորդում է Gazeta.ru-ն՝ վկայակոչելով Ուսպենսկայայի ներկայացուցչի խոսքերը։

Այլ մանրամասներ նա չի հաղորդել։ Mash Telegram-յան ալիքի փոխանցմամբ՝ այժմ Տատյանան գտնվում է երկրից դուրս։ Նա հեռացել է՝ առանց հարազատներին տեղեկացնելու։ 

Փաստաբան Ելենա Սենինան Gazeta.ru-ին հայտնել է, որ Ուսպենսկայայի դուստրը հավաքագրվել է հատուկ ծառայությունների կողմից։ Նա ենթադրում էր, որ Պլաքսինան գտնվում է Ռուսաստանի Դաշնության տարածքից դուրս։ Միևնույն ժամանակ, kp.ru-ի անանուն աղբյուրը հայտնել է, որ երգչուհու դուստրն այժմ Իսրայելում է, և նրա հետ ամեն ինչ ենթադրաբար լավ է: Երգչուհու ներկայացուցիչներն այս տեղեկությունը չեն մեկնաբանել։ 

Shot Telegram-յան ալիքի հաղորդմամբ՝ հայտնի է դարձել, որ առեղծվածային կերպով անհետացել է Վիտալի Բորոդինը՝ Անվտանգության և հակակոռուպցիոն դաշնային նախագծի ղեկավարը [ФПБК], ով առաջիններից էր, որ հրապարակավ հայտնել էր Ուսպենսկայայի դստեր անհետացման մասին։ 

Ավելի վաղ հայտնել էինք, որ երգչուհի Լյուբով Ուսպենսկայայի դուստրը՝ Տատյանա Պլաքսինան մեկ շաբաթ առաջ անհետացել էր Մոսկվայում։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝