Փինգ-փոնգի» ժամանակներն անցան, այժմ Իսրայելը պաշտպանական մարտավարությունից անցել է հակահարձակման.Իսրայելահայ խմբագիրը մանրամասներ է ներկայացնում

 Շարունակվելու է Բեյրութի հրթիռահարումն ու ողջ Լիբանանի տարածքի վրա թիրախների խոցումն, որին կհաջորդի Իսրայելի ցամաքային ներխուժումը: Դժար է ենթադրել, որ Հեզբոլլահի ողջ մնացած որևէ հրամանատար կհայտարարի 1701 բանաձևի կատարման ու մինչև Լիտանի գետի իրենց զորքերի հետ քաշման մասին: Լիբանանի կառավարություն որպես այդպիսին չկա, մարդիկ իրենց տները լքում են ու չունեն որևէ աջակցություն»-անդրադառնալով Իսրայելի վերջին գործողություններին, ասաց  «Իսրայելահայեր» թերթի գլխավոր խմբագիր, Պետախ Տիկվայի իսրայելահայերի «Նաիրի» միության նախագահ Արտյոմ Չերնամորյանը, ընդգծելով.

 

-Իրավիճակն ավելի կծանրանա ցամաքային օպերացիայից հետո: Հիշեցնեմ, որ անցյալ տարի հոկտեմբերի 8-ին Նասրալլան հայտարարեց Համասին օգնության գալու մասին ու արդեն մեկ տարի Լիբանանից հրթիռահարվում է Իսրայելի ողջ հյուսիսը: Դժվար է մի պետության օրինակ բերել, որը մեկ տարի կհանդուրժեր իր երկրի տարածքի խաղաղ բնակիչների հրթիռահարումներն, առանց լուրջ ռազմական գործողությունների: «Փինգ-փոնգի» ժամանակներն անցան, այժմ Իսրայելը պաշտպանական մարտավարությունից անցել է հակահարձակման: Փեյջերների, հեռախոսների, մեքենաների պայթյուններն դեռ իսրայելյան անակնկալների մի մասն էր: Ի վերջո Իսրայելը պետք է պաշտպանի իր երկրի բնակիչներին, որի արդյունքները կարող է արժենան Լիբանան պետության համար շատ թանկ գին: Պետություն, որի կառավարությունը կրավորական, անողնաշար ու թույլ է տվել ավելի քան 2 տասնամյակ իր երկրի ներսում իրանական ահաբեկչական ամենամեծ բանակի ստեղծում, որն ըստ էության ուներ իր քաղաքական միավորը, իր սեփական ղեկավարությունն ու ղեկավարում էր Լիբանանը ներսից: Պարզ է, որ այս բարդակի պայմաններում, Իսրայելն ու նրա դաշնակիցները պետության կրավորական ղեկավարության փոխարեն պետքէ դիվանագիտական ճանապարհով խնդիրը լուծելու ջանքեր գործադրեին: Ինչպես միշտ դրանք ապարդյուն էին, ահաբեկիչների հետ, որոնց նպատակը քեզ մորթելն է, հնարավոր չէ լեզու գտնել: Նրանք հասկանում են միայն ուժի լեզուն: Նույն բանաձևը գործում է Հայաստանի պայմաններում: Մեր վարչապետը «խաղաղության թուղթը» ձեռքին ահաբեկիչների հետ խաղաղություն է հաստատում՝ առանց իսկական դաշնակիցներ ունենալու: Գործը սարկազմի է հասել, որ Մակրոնը Փաշինյանի ֆունկցիաներն է իր վրա վերցրել: Կողքից արդեն շատ տգեղ է, հերք է հազարավոր կիլոմետրեր իրարից հեռու գտնվող 2 աթոռների վրա նստեք ու «խաչմերուկ քարոզեք»: Զինվեք էլ, մինչև 10 Սեզար ստանաք մի տարի հետո ադրբեջանը սեփական լազերային զենքերը կունենա:

Հավանեցի՞ր հոդվածը, կիսվիր ընկերներիդ հետ՝

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝