Ծնողական խմբերում խուճապ է. Անչափահասների առևանգման փորձ կատարած տղամարդը ձերբակալված է
Պատահար
Աշակերտների ծնողների չաթերում խուճապ է։ Մայրիկներն արագորեն տարածում են սև ավտոմեքենայի ու նրա վարորդի լուսանկարներն ու միմյանց հորդորում՝ զգույշ լինել, այս մարդը մոտենում է մայրաքաղաքի տարբեր դպրոցների աշակերտներին ու առաջարկում, համոզում նստել իր մեքենան։
Ըստ տարածվող լուրերի, նման դեպք արդեն արձանագրվել է Մալաթիա-Սեբաստիա վարչական շրջան Արարատյան զանգվածի դպրոցներից մեկում։
Panorama.am-ը կապ հաստատեց ոստիկանության հետ՝ պարզելու, արդյոք նման ահազանգ եղե՞լ է, համապատասխանո՞ւմ են տեղեկություններն իրականությանը։
Իրավապահ մարմնի հասարակայնության հետ կապերի ու լրատվության վարչությունից հայտնեցին.
«Համացանցում տեղեկություններ են տարածվում՝ իբր Մալաթիա-Սեբաստիա վարչական շրջանում ինչ-որ մեկը դպրոցների մոտ երեխաներին նստեցնում է ավտոմեքենան և առևանգում։ Հրապարակումներում նաև նշվում է, թե բազմաթիվ ծնողներ այս հարցով ահազանգել են ոստիկանություն։
Տեղեկացնում ենք, որ նշված բովանդակությամբ ահազանգ կամ հաղորդում ՆԳՆ ոստիկանության օպերատիվ կառավարման կենտրոնում կամ Մալաթիայի բաժնում չի ստացվել։
Ոստիկանության Մալաթիայի բաժնի քրեական հետախուզության բաժանմունքում տեղեկություն է ստացվել, որ սեպտեմբերի 25-ին Մազմանյան փողոցի բնակիչ 57-ամյա մի տղամարդ «Մերսեդես» մակնիշի ավտոմեքենայով Շրջանային փողոցում փորձել է առևանգել երկու անչափահասի։
Նախաձեռնված քրեական վարույթի շրջանակներում տղամարդը հայտնաբերվել, ձերբակալվել և կազմված փաստաթղթերով ներկայացվել է քննչական բաժին:
Ավտոմեքենան տեղափոխվել է բաժնի պահպանվող հատուկ տարածք»։
Ռուսաստանի հետ քննարկում ենք նաև մետրոյի «Աջափնյակ» կայարանի կառուցմանն իրենց մասնակցության հարցը
800 լիտր դիզվառելիք, ծխախոտ ու կեղծ օղի․ ոստիկանության բացահայտումները Արագածում և Դարբնիկում
Երևանում 20-ամյա աղջկա նկատմամբ սեռական բնույթի բռնի գործողություններ կատարելու կասկածանքով ձերբակալվել է 65-ամյա տաքսու վարորդը
ԱՀԱԶԱՆԳ. Թալանել են մեղվաբուծությամբ զբաղվող կնոջ տունը, իսկ քննչական կոմիտեն կարծես արջի քուն է մտել
1
4299 դիտում
2
4131 դիտում
3
1961 դիտում
4
1575 դիտում
5
1374 դիտում
1
31460 դիտում
2
19515 դիտում
3
11458 դիտում
4
11417 դիտում
5
8403 դիտում
3
17742 դիտում
