Մխիթարյան, թե՞ Սուչիչ.Կիվուն դեռ վերջնական որոշում չունի Հայաստանի հավաքականում Տիկնիզյանն այլ դեմք է ցույց տալիս. հունական մամուլի դիտարկումները Մարտնչող «բարեփոխիչների» կլանը հերթական սուտն ու կեղծիքն է տարածում Ամենակարեվորն է, որ երեք առաջնորդները կարողացան նստել մեկ սեղանի շուրջ Պատահական չէ, որ Պուտինն ի ցույց դրեց «միջուկային ճամպրուկը» Զատկից հետո ներկած ձուն մեզ պետք չէ․ Շարմազանովը՝ Փաշինյանին Թքե՛ք այդ մանդատների վրա, պահել եք որ ի՞նչ․ Հայկ Բաբուխանյան «Անհաջողության ջենթլմենները» կրկին հանձնվում են Նիկոլը փորձում է Մոսկվային համոզել, թե ինքը Հայաստանը ԵՄ կազմում տեսնում է 20 տարի անց Խոշոր վթար Վանաձորի գլխավոր ճանապարհին. Տեսանյութ

Կուրսկի ճակատում ուկրաինական բանակի վիճակը դառնում է ծայրահեղ ծանր (Քարտեզ)

Միջազգային

Շատ նման է, որ Կուրսկի տարածաշրջան այլ ուղղությունից ներխուժելու եւ հիմնական ուղղությամբ ռուսների հարձակումը թուլացնելու  ուկրաինական բանակի ծրագիրը ձախողվում է: Ռուսական հարձակումից ի վեր ուկրաինական բանակը մի շարք հարձակումներ իրականացրեց` փորձելով ճեղքել եւ դուրս գալ Կուրսկի հիմնական գոտում հարձակվող ռուսական ուժերի թիկունք: Ընդ որում, ըստ ուկրաինական աղբյուրների, շարունակաբար ռեզերվներ նետելով մարտադաշտ եւ հիմնականում այլ ուղղություններ թուլացնելու հաշվին. ազատ ռեզերվներ Կիեւն արդեն գրեթե չունի: Որոշ մասնակի հաջողություներ եղան. ուկրաինացիներին հաջողվեց մեկ-երկու գյուղ գրավել:

Բայց ահա անցած օրերին հսկայական աշխատանք կատարեց ռուսական ավիացիան: Այսօր այս ուղղությամբ եւս ռուսական լրացուցիչ ուժերն անցան հակագրոհի: Արդյունքում, կեսօրի դրությամբ ուկրաինական ուժերը բոլոր հատվածներում նահանջում են, եւ օրվա երկրորդ կեսի դրությամբ վերահսկում էին միայն սահմանամերձ շատ փոքր հատված: 

Միաժամանակ, Կուրսկում ուկրաինական ուժերի ներխուժման հիմնական հատվածում ռուսներին հաջողվեց եռօրյա համառ մարտերից հետո մտնել Լյուբիմովկ ավան, որն ուկրաինական ուժերի համար դարձել էր հիմնական հանգույց: Ուկրաինական զորքերը դեռ փորձում են հակահարձակման դիմել` ռուսներին բնակավայրից դուրս մղելու համար, սակայն մի շարք ուղղությունեոր ընթացող ռուսական հարձակման դեպքում, երբ ուկրաինական կողմը ռեզերվներով մանեւրելու քիչ հնարավորությունենր ունի, նման հակարահձակումները հիմնականում ձախողվում են:

Կուրսկի ռազմական գոտու աջ թեւում` Սուջայից հարավ, որտեղ Բորկի գյուղի տարածքում մի քանի օր կատաղի մարտեր էին ընթանում, ռուսներին վերջապես հաջողվեց այդ բնակավայրը գրավել: Դա եւս շատ լուրջ խնդիր է ուկրաիանկան կողմի համար, քանի որ Բորկիից հարձակումը շարունակելու դեպքում ռուսները դուրս կգան Սուջայի թիկունք, եւ գումարած ձախ թեւի հարձակումը, Կուրսկի ողջ գոտում ուկրաինական ուժերի շրջապատման մեծ ռիսկ կառաջանա: 

Ամեն դեպքում, եթե Կիեւը ցանկանում է իրավիճակը գոնե ներկա մակարդակում պահել, ինչպես որ, ըստ ուկրաինական աղբյուրների, Զելենսկին պահանջում է Գլխավոր հրամանատար Սիրսկիից, ապա պետք է նորանոր ռեզերվներ ինչ-որ տեղին գտնեն եւ այս ուղղություն նետեն: Բայց հենց դա է խնդիրը. ռուսները հարձակվում են բոլոր ճակատներում, ամենուր ուկրաինական ուժերը ռեզերվների խնդիր ունեն, եւ ցանկացած գոտուց Կուրսկ ուժեր նետելը ծայրահեղ հետեւանքների կարող է տանել:

Հավանեցի՞ր հոդվածը, կիսվիր ընկերներիդ հետ