Հուսով եմ, որ վերջապես Մելքոնյանը իրեն թափ կտա և կհասկանա, որ…Արցախցի փաստաբանի պատասխանը ՔՊ-ական պատգամավորին

ՔՊ խմբակցության պատգամավոր Գագիկ Մելքոնյանը օրերս հետեւյալ արտահայտություններ արել.«Արցախցիները թող այստեղ ապրեն, աշխատեն, բայց մեր երկրի գործերին չխառնվեն, իրենց հյուրի նման թող պահեն, ոչ թե ուզենան տանտեր դառնալ, քսան տարի տանտեր են եղել, դրա համար երկիրն այս վիճակում է»։ Որպես արցախցի ինչպե՞ս է այս հայտարարությանը արձագանքում արցախցի փաստաբան ՌԱՖԱՅԵԼ ՄԱՐՏԻՐՈՍՅԱՆԸ, փորձել ենք հետաքրքրվել անձամբ նրանից.

-Պարոն Մելքոնյանի հայ ժողովրդի արժանապատվությունը վիրավորող դիրքորոշումը առաջինը չէ։ Սակայն, հուսով եմ , որ վերջապես Մելքոնյանը իրեն թափ կտա և կհասկանա,  թե այդ տեսակի հայտարարություններով ինչ խնդիրներ են ստեղծում մեր երկրում։ Այդուհանդերձ, Արցախցիները հասկանում են, որ Մելքոնյանի մտածողությունը ամենևին իրողություն չէ հայաստանում։ Բայց և այնպես, միևնույն է  անհանգստացնող ազդեցության զգացողություններ թողել է։ Այն, որ պարոն Մելքոնյանը իշխանության ներկայացուցիչ է և կանգնած է առաջին շարքում , թույլ է տալիս մտահանգել, որ այդ հայտարարությունը  ողջ իշխանության վերաբերմունքն է Արցախցիների հանդեպ։ Եվ ոչ միայն այդ դատողությունն ունեն Արցախցիները, այլև այն, որ փաստորեն Մելքոնյանը դրանով իսկ ապականում է Արցախի, առավել ճիշտ Հայ ժողովրդի 30 տարվա անցած ճանապարհին նահատակված մեր եղբայրների ու քույրերի,  զավակների փառավորված անունը, ու դա  անում է գեներալ Մելքոնյանը, ով անցել է  նույն ճանապարհը և կանգնած է եղել դրա ակունքներում։
 Ուրիշ ոչինչ չի մնում, քան  մտածել , որ նույն այդ հայտարարությունը զուգադրվում է այն դատողության հետ, որ հայ ժողովուրդը հիմարություն է արել , որ  պատերազմել է Արցախում։Ես իհարկե հասկանում եմ , որ իր հայտարարությունում պարոն Մելքոնյանը նաև ինչ ակնարկներ է արել ։Նա նկատի էր առնում նախկին ղեկավարներին, որոնք իմ և շատ Արցախցիների աչքի լույսը չեն։Բայց արդյոք արդարացի է Արցախցիներին դիտել այլ անձանց հայրենիքի դեմ  ցուցաբերած  վերաբերմունքով։ Ուշիմություն պետք չէ ունենալ, հասկանալու համար, որ նրանք շրջապատված են եղել մարդկանցով , որոնք ոչ թե  անհանդուրժող են եղել, այլ հայրենիքի հանդեպ նույն վերաբերմունքն են ցուցաբերել։Մեկը լինի հարց տա պարոն Մելքոնյանին, դուք եթե իսկական հայրենիքի  նվիրյալ եք,ինչ եք արել այդ վիճակը չեզոքացնելու համար։Ամենևին նա հայտնի չէր իբրև հայրենադավ ռեժիմին անհանդուրժող տեսակով։ Փայլելով նեղմտությամբ, ոչ պակաս խնդիրներ է ստեղծում, քան ուրիշները, որոնց  հանդեպ Մելքոնյանը սիրով ակնարկներ   է անում։Այդուհանդերձ Արցախցիները շատ լավ պատկերացնում են, որ ապրում են իրենց տանը՝հայրենիքում և Մելքոնյանի տկարամիտ հայտարարությունը չէ ,որ բնութագրում է հայաստանի ընդհանուր վերաբերմունքը։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝