Գերնպատակն այն է, որ 30000 ժողովուրդ գեներացնեն, գան ԱԺ-ի վրա ու իրենց սև գործը անեն․ Հովիկ Աղազարյան

«Սրբազան պայքար»-ը մոտենում է շատ կարևոր, նոր փուլի մեկնարկին, այս մասին հաղորդագրություն է տարածվել պայքարի տելեգրամյան ալիքում: Ունե՞ն արդյո՞ք մտահոգություններ այս առումով իշխանությունները, հատկապես, որ ընդդիմադիր դաշտում խոսվում է ռադիկալ քայլերի անցման մասին այս եւ այլ հարցերի շուրջ զրուցել ենք  Ազգային ժողովի «Քաղաքացիական պայմանագիր» խմբակցության պատգամավոր Հովիկ Աղազարյանի հետ, ով նկատեց․

-Նախ ոչ ՀՀ քաղաքացի եւ որեւէ մեկը իրավունք չունի ՀՀ-ում զբաղվել քաղաքականությամբ, երկրորդ, ես ճանաչում եմ բոլոր քաղաքացիների իրավունքները, գիտեմ նաեւ իշխանությունների դեմ իրենց բողոքները։ Ես ընդունում եմ նաեւ, որ ընդդիմադիր մեր գործընկերները կարող են այնքան ժողովուրդ հանել փողոց, որը մեզ ստիպի հետեւություններ անել, դա էլ եմ ընդունում։ Ինչ վերաբերում է նրանց ռադիկալ քայլերին, որն, ըստ երեւույթին, իրենք նկատի ունեն որեւէ զորախումբ ստեղծել եւ ներխուժել ԱԺ, ապա դա նրանց չի հաջողի։ Քանզի մենք շատ լավ գիտենք, թե ինչ հրոսակախմբեր են գործում ընդդիմադիրների մեջ, բայց նախապես հայտարարում եմ, որ ռադիկալ քայլեր անողների ականջները կտրվելու են տեղում եւ օրենքով։ Ցանկացած հակաօրինական գործողության համար պատասխան են տալու օրենքի առաջ եւ ստանալու են արժանի օրենքին համահունչ հակահարված։

Եվ ընդհանրապես ես կոչ կանխեմ մեր քաղաքացիներին տերտեր Գապոնի հետեւից չգնալ, որովհետեւ ինքը այլեւս մարած աբլիգացիա է, ով իր անձնական եւ քաղաքական որակներով չի կարող որեւէ լուրջ քաղաքական իրավիճակ ստեղծի։ Թող մեր քաղաքացիները, համախբվեն մեզ հետ ոչ համաձայն այն լիդերիների շուրջ, որոնք այս չափ հակակրանք չեն առաջացնում, ինչպես տերտեր Գապոն է եւ իր շուրջ հավաքված նախկիննները։

Տերտեր Գապոն չլսեց իմ խորհուրդը և չփորձեց ձերբազատվել նախկին նախագահների քաղաքական ուժերից ու ներկայանալ ինքնուրույն դեմքով։ Իհարկե, երրորդ պետությունները կարող են ընդդիմության միջոցով արյունահեղությամբ իշխանափոխության փորձ անել ՀՀ-ում։ Բայց կրկնում եմ, իշխանությունը այդ ամենը վերահսկում է, ու շոշափելի է նաև այն, որ ժողովուրդը կայացել է ու հասկանում է այդ ամենը, և ինքն է որոշում, թե ով լինի իշխանություն։ Տերտերի գերնպատակն այն է, որ 30000 ժողովուրդ գեներացնեն, գան ԱԺ-ի վրա ու իրենց սև գործը անեն, բայց չի հաջողելու։

-Պարոն Աղազարյան արքեպիսկոպոս Աջապահյանը, հայտարարեց, որ իշխանափոխությունը պարտադիր չէ, բայց իշխանությունը պետք է ապաշխարի։

-Մենք կրոնական պետություն չենք, ու հետևաբար ապաշխարելը ժողովրդի առաջ պատասխանատվություն  է։ Եթե ինքը չլիներ կրոնական գործիչ, միգուցե լավ քաղաքական գործիչ լիներ։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝