Ինչպես կապարակնքվեց Նկարիչների միության ցուցասրահը Նկարիչների միության նորընտիր նախագահի բացառիկ հարցազրույցը Ես տեղափոխվում եմ Հայաստան. Դենիս Ջորկաեֆը առաջադրվել է որպես ՀՖՖ նախագահի թեկնածու Լեվոն Զուրաբյան VS Նիկոլ Փաշինյան Ակրոպոլիս թանգարանում բացվել է «Հին Հայաստան» միջազգային ցուցահանդեսը Ջրամատակարարման ընդհատումներ են տեղի ունեցել Կիևի հինգ շրջաններում Բրիտանիան ցանկանում է վերադառնալ ԵՄ. Brexit-ը չափազանց թանկ էր. The Times Մելանյա Թրամփը հնարավոր է համարում Ուկրաինայում հրադադարը մինչև Սուրբ Ծնունդ Քո մասին այնպիսի ճշմարտություն կասեմ, ստիպված կլինես փախչել նաեւ ՌԴ-ից․ Դանիելյանը՝ Պիպոյին Մեզ այսօր շատ են պակասում Մոնթեի պես հայերը․ Հռիփսիմե Նահապետյան

Կալանքը հսկելու ևս 355 սարք ձեռք կբերվի

Իրավական

Կառավարությունը ձեռք կբերի կալանքի հսկողության ևս 355 սարքավորում՝ 255-ը ներտնային, 100-ը՝ վարչական վերահսկողության համար։ Դատական ակտերի հիման վրա այլընտրանքային խափանման միջոցը, օրինակ՝ տնային կալանքը, վերահսկվում է հատուկ էլեկտրոնային սարքավորումներով։

Գործադիրը հիմնավորում է, որ, դեպքերի ավելացմամբ պայմանավորված, երբ տնային կալանքը փոխարինվում է վարչական վերահսկողությամբ, սարքեը չեն բավարարում, հնարավոր է՝ շուտով խափանման այդ միջոցը կիրառելն անհնարին դառնա։

2023 թվականի հոկտեմբերի 23-ին ՀՀ արդարադատության նախարարության և «Enigma information protection sistems» ընկերության միջև կնքված պայմանագրով նախատեսվել էր ձեռք բերել 1000 հատ էլեկտրոնային հսկողության սարք՝ 650 ներտնային վերահսկման սարք՝ նախատեսված տնային կալանք խափանման միջոցի և 350 էլեկտրոնային հսկողության շղթա՝ վարչական հսկողություն խափանման միջոցի համար։

Ըստ կառավարության՝ ձեռք բերած խմբաքանակը մոտենում է սպառմանը։ Ուստի նախատեսվում է շուրջ 233 մլն դրամ հատկացնել նոր խմբաքանակի համար։ Գումարը կհատկացվի ՀՀ 2024 թվականի պետական բյուջեի «31001․Միասնական թվային միջավայրի ձևավորում» միջոցառման գումարների վերաբաշխման միջոցով։

Ըստ Կառավարության՝ սա հնարավորություն կտա արդյունավետ կիրառել ազատությունից զրկելու  այլընտրանքային պատժամիջոցը և գնման նոր մրցույթ հայտարարել։

Հավանեցի՞ր հոդվածը, կիսվիր ընկերներիդ հետ