Ինստիտուտի շենքը պարբերաբար ցնցվում է, կանխե՛ք վերահաս աղետը․Ահազանգում է Նուրբ օրգանական քիմիայի ինստիտուտի տնօրենը

Նուրբ օրգանական քիմիայի ինստիտուտի աշխատակիցները, որոնք տեւական ժամանակ է ինչ բողոքում են, որ ինստիտուտին պատկանող ջրավազանը տարիներ առաջ ապօրինաբար օտարվել է, հիմա էլ ջրավազանի տարածքում բնակելի շենք է կառուցվում:
Պարզվում է, տվյալ տարածքը հասցրել է չորս անգամ վերավաճառվել է, իսկ բուն օտարումը տեղի է ունեցել, ինչպես նշեց Նուրբ օրգանական քիմիայի ինստիտուտի տնօրեն Սահակ Գալստյանը, տեղի է ունեցել Ռոբերտ Քոչարյանի նախագահության տարիներին․

- Մեր տարածքը մեզանից խլեցին դեռեւս 2007-ին, այս ընթացքում երեք անգամ վերավաճառվել է, այս վերջին գնորդը ջրավազանի տարածքում բազմահարկ շենք է կառուցում։ Այն լողավազանի տարածքում, որ մեր ինստիտուտի համար ունի կենսական նշանակություն։ Այն ժամանակ էլ մեզանից օտարվեց ապօրինաբար, սխալ չափագրումներով ու մինչ օրս այն մեզանից խլված է։ 

Դիմել էինք դատարան, որ շինարարությունը իր մեջ ռիսկեր է պարունակում, որ այն հղի փլուզման վտանգով, քանզի ինստիտուտի շենք պարբերաբար կարծես ցնցվում է, պետք է կանխել վերահաս աղետը։ Բացի դա շինաշխատանքները խանգարում են բուն ինստիտուտի աշխատանքներին, ունենք շատ զգայուն սարքեր, որոնցով հետազոտություններ ենք անում, արդյունքում տվյալները, գրանցված արդյունքները խախտվում են։ Հիմա դատարանի որոշմամբ ապրիլից կասեցվել էր շինաշխատանքները։ Սակայն հուլիսին դատարանը կրկին փոխեց իր որոշումը, մենք նորից բողոքարկեցինք, բայց փաստորեն ապարդյուն։ Օգոստոսին կրկին դիմել ենք դատարան, բայց հայցը մերժվեց։ Քաղաքապետարանը պետք է կասեցներ, բայց քաղաքապետարանից եկան ու զուտ տուգանեցին, առանց կասեցնելու շինաշխատանքները։ Թե ինչ ճակատագրի կարժանանա ինստիտուտը անհայտ է։ 

-Կառավարություն, վարպապետին դիմե՞լ եք։

-Դիմել ենք, բայց ուր դիմում ենք ասում են դա մեր իրավասության մեջ չէ, դիմեք դատարան, բայց փաստացի դատարանն էլ ոչինչ չի անում։ ԿԳՄՍ նախարարին էլ ենք դիմել, նախարան էլ այցելեց, հենց նրա այցելության ժամանակ էլ շենք ցնցվեց, խոստացավ խոսել վարչապետի հետ, ներկայացնել իրողությունը, բայց այդպես էլ ոչինչ չարեց։ Մի խոսքով ոչ մեկին հետաքրքիր չի այս թեմանը, որը հղի ողբերգությունով։ Շինաշխատանքները ամբողջությամբ խափանում են ինստուտում տեղի ունեցող հետազատությունները, պատկերացրեք մեր ոչ ճշգրիտ հետազոտությունների հետեւանքով ինչ վնասների առաջ կարող է կանգնել երկիրը, իսկ շինաշխատանքները ամբողջությամբ խափանում են մեր զգայուն սարքերի ճշգրիտ աշխատանքները։ Մենք կառավարությանը առաջարկեցինք հետ գնել 2007-ին մեզանից խլվածը, բայց ոչ մի տարբերակ, ոչ մի լուծում չստացավ։  Փաստացի  18 հարկանի բազմաբնակարան շենքը ոչնչացնում է Ա. Մնջոյանի անվան Նուրբ օրգանական քիմիայի, Օրգանական քիմիայի, մոլեկուլի ուսումնասիրման կենտրոն ինստիտուտները։

Հասկանո՞ւմ եք` ճարտարապետական տեսակետից ամբողջ ինստիտուտի ամբողջականության մեջ լողավազնն իր տեղն ուներ ոչ միայն տեխնիկական տեսակետից, որ ջրապահեստ է, ոչ միայն այն, որ ինստիտուտի հոգսերը կհոգար հրդեհի կամ ուրիշ բաների դեպքում, այլև անգամ միկրոկլիմայի համար դեր էր խաղում: Ինչ որ եղել է այս 30 տարում, գոյատևել է, և հիմա եկել է մի հատ ժամանակ, երբ պիտի զարգանա ինստիտուտը նորից, իսկականից պիտի զարգանա, և զարգացումն առանց իր առկա ենթակառուցվածքների անհնար է։