Ինչպես կապարակնքվեց Նկարիչների միության ցուցասրահը Նկարիչների միության նորընտիր նախագահի բացառիկ հարցազրույցը Ես տեղափոխվում եմ Հայաստան. Դենիս Ջորկաեֆը առաջադրվել է որպես ՀՖՖ նախագահի թեկնածու Լեվոն Զուրաբյան VS Նիկոլ Փաշինյան Ակրոպոլիս թանգարանում բացվել է «Հին Հայաստան» միջազգային ցուցահանդեսը Ջրամատակարարման ընդհատումներ են տեղի ունեցել Կիևի հինգ շրջաններում Բրիտանիան ցանկանում է վերադառնալ ԵՄ. Brexit-ը չափազանց թանկ էր. The Times Մելանյա Թրամփը հնարավոր է համարում Ուկրաինայում հրադադարը մինչև Սուրբ Ծնունդ Քո մասին այնպիսի ճշմարտություն կասեմ, ստիպված կլինես փախչել նաեւ ՌԴ-ից․ Դանիելյանը՝ Պիպոյին Մեզ այսօր շատ են պակասում Մոնթեի պես հայերը․ Հռիփսիմե Նահապետյան

Պարեկային համակարգ սպրդվել են անձիք, ովքեր իրենց դրել են կինոյի տղու տեղը. Հայտնի փաստաբանը ահազանգում է

Իրավական

«Իրավունքը» շարունակում է քաղաքացիներից ստանալ ահազանգեր պարեկների, մեղմ ասած. լկտի պահվածքի և քաղաքացիների նկատմամբ բռնություն գործադրելու դեպքերի մասին: Որքանո՞վ է իրավաչափ վերջիններիս օրենքից դուրս գործողությունները հարցի պատասխանը փորձել ենք ստանալ «Լեվ Գրուպ» փաստաբանական ընկերության հիմնադիր ղեկավար, աղմկահարույց գործերով հայտնի փաստաբան ԼԵՎՈՆ ԲԱՂԱԴԱՍՐԱՅԱՆԻՑ, ով այն եզակի իրավաբաններից էր, ով կողմ էր արտահայտվել պարեկների ինստիտուտի ստեղծմանը: Եվ ահա հայտնի փաստաբանը չժխտելով նախկին տեսակետը ընդգծում է.

-Կրկին այն կարծիքին եմ, որ այ՛ո, պարեկների ինստուտի ներդրում կարեւոր քայլ էր ՆԳՆ համակարգում: Պետության շահը պահանջում է, որպեսզի քաղաքացիների անվտանգության տիպիկ կրողները լինեն, ինչու ոչ ՆԳՆ-ի տվյալ ստորաբաժանումը: Միեւնույն ժամանակ, սակայն, կիսելով քաղաքացիների ահազանգերը, բերեմ մի օրինակ. հանճարեղ դերասան Վահրամ Փափազյանին մոտենում են Օթելլոյի կերպարով երիտասարդ դերասաններ եւ հարցնում, թե վարպետ  մենք ինչո՞վ ենք տարբերվում Օթելլոյի դերակատարից եւ վարպետը տալիս է հետեւյալ պատասխանը. «Ամեն սեև բան Օթելլո չէ»:  Ասելս նա էր, որ ամեն ոստիկանական համազգեստ կրողը չէ, որ ոստիկան է:

Այ՛ո, ես եւս մեծ ցավով արձանագրում եմ, որ պարեկների ինստուտ, որը կոչված էր իրավապահ համակարգին հարիր ինստուտի վերածվելու, ցավոք, ներխուժել են անձիք, ովքեր ատկերացում անգամ չունեն, թե ինչ բան է ոստիկան լինելը եւ ինչ պատասխանատվություն է այն համազգեստը, որը իրենք են կրում: ՄԵկ օրինակ ես Ձեզ բերեմ. դիցուք քաղաքացին մայր է հայհոյում պարեկին, վերջինս առանց երկար մտածելու նույն կերպ պատասխանում է քաղաքացուն, առանց հասկանալու, որ ինքը` կոչված է հասարակական անվտանգությունը ապահովվելու համար եւ նման դեպքերում, երբ քաղաքացին մայր է հայհոյում, նա օրենքով սահմանված կարգով պետք է իրացնի իր պարտականությունները` պատասխանատվության ենթարկելով զանցանք կամ հանցանք կատարող անձին, եւ ոչ թե իջնի վերջինիս մակարդակին: Ցավոք, այդպես էլ չեն սովորում որոշ պարեկներ չհասկացան, որ իրենք պետք է պայքար են ոչ թե քաղաքացու, այլ հանցագործի դեմ: Եվ օրինապաշտ քաղաքացու համար պարեկը պետք է լինի հեղինակություն եւ օրինակ, ու բացառապես հանցագործի մոտ պետք է վախ առաջանա պարեկ տեսնելիս, ոչ թե օրինապաշտ քաղաքացու:

Փաստաբանը նկատում է նաեւ.

-Մեր գրասենյակը եւս ստանում է նման բողոքներ, բերեմ կոնկրետ օրինակ. վաստակաշատ մանկավարժ, հարգված անձը երթեւեկում է ու մեկ էլ կանգնեցնում է պարեկը ու հայտարարում, որ ինքը պետք է ստուգի իր անվադողերը, պատկերացրեք, թե ինչ աստիճանի իջել անձը: Ամփոփելով խոսքս, եւ կիսելով քաղաքացիների մտահոգությունները թեման համարում եմ բավականին ակտուալ եւ հայտարարում, որ սա պետք է ահազանգ լինի բարձր դռանը, պատկան մարմիններին եւ ՆԳՆ-ի համար, որ պարեկային համակարգ սպրդվել են անձիք, ովքեր իրենց դրել են կինոյի տղու տեղը, առանց գիտակցելու իրենց իրավունքներն ու պարտականությունները: 

Վերջում հայտնի փաստաբանը հանուն արդարության անդրադարձավ նաեւ բարեխիղճ իրենց աշխատանքը կատարող պարեկներին.

-Համակարգում կան նաեւ բարեխիղճ պարեկներ, որոնց համար աշխատանքը ոչ միայն ծառայություն է, այլ կենսակերպ: Ինքս պատիվ եմ ունեցել առնչվելու նման պարեկի հետ, եւ ինքս եմ զգացել, թե ինչ բարձր պատասխանատվությամբ կատարում իր ծառայությունը` հանուն երկրի եւ օրինապաշտ քաղաքացու անվտանգության ապահովման:

Հավանեցի՞ր հոդվածը, կիսվիր ընկերներիդ հետ