Կոնֆերենցիաների լիգա. «Նոայի» խաղերի ժամանակացույցը

ՈւԵՖԱ-ն ներկայացրել է եվրագավաթային մրցաշարերի հիմնական փուլի խաղերի ժամանակացույցը:

Հաստատվել է նաև Հայաստանի փոխչեմպիոն «Նոայի» խաղերի ժամանակացույցը Կոնֆերենցիաների լիգայի հիմնական փուլում:

Մրցաշարի հիմնական փուլը կանցկացվի շվեյցարական համակարգով, բոլոր` 36 թիմերը կլինեն մեկ աղյուսակում: Յուրաքանչյուր թիմ կանցկացնի 6 հանդիպում, երեքական տնային և արտագնա: 

1-8-րդ տեղերը զբաղեցրած ակումբները դուրս կգան 1/8 եզրափակիչ: 9-24-րդ տեղերը գրաված թիմերն էլ կանցկացնեն լրացուցիչ հանդիպումներ և կպայքարեն փլեյ-օֆֆի մյուս ուղեգրերի համար:

Հիշեցնենք, որ «Նոան» պատմության մեջ առաջին անգամ հանդես կգա եվրագավաթային մրցաշարի հիմնական փուլում: l