Ինձ օրական 5-10 հոգի է գրում` մեծ գումար ինչ-որ կայք «ներդնելուց» հետո. Սամվել Մարտիրոսյան

Մեդիափորձագետ Սամվել Մարտիրոսյանը ֆեյսբուքյան իր էջում գրում է․ «Ինձ օրական 5-10 հոգի է գրում՝ խնդրելով ստուգել ինչ-որ կայք։ Անում են դա արդեն էդ կայք մեծ գումար «ներդնելուց» ու գումարը հետ ստանալ չկարողանալուց հետո։ Մեծ գումարներ կորցնելուց հետո։ Սովորաբար, այդ «ներդրումն» անում են ինչ-որ տակավին անհայտ «Թելեգրամ»-ից կամ «Ինսթագրամ»-ից մեկի խորհրդով։ Այսինքն, մարդիկ վստահում են անհայտ մարդկանց, մեծ գումար տեղադրում անհայտ հարթակում։ Ու ստուգելու ցանկությունը առաջանում է զուտ մենակ էն պահից, երբ տեսնում են, որ մի բան էն չի։ (Ասեմ, որ այլևս գումարը ծյու-ծյու, անվերադարձ։)
Երկար մտածելուց հետո հասկացա, որ էվոլյուցիոն պատճառներից ելնելով` ստիպված եմ նման դեպքերում անել հետևյալը
1. Եթե ցանկանում եք ներդրում անել, մինչեւ էդ ներդրումը, դիմեք, ստուգեմ հարթակը, կայքը։ Բայց դա կանեմ միայն գումարով։ Քանի որ դուք էլ եք պատրաստվում գումարը տեղադրել ռիսկային տիրույթ։ Դիմեք, վճարեք։ Թե չէ ես ազատ ժամանակս լիքը ուրիշ բաների վատնելու հնարավորություն էլ ունեմ։
2. Եթե առանց հասկանալու «ներդրում» արդեն արել եք, ու գումարը հանել չեք կարողանում։ Էլ մի էլ գրեք ինձ։ Ուղղակի համակերպվենք, որ գումարը կորցրել եք։ Ու հարցը` ո՞ւմ դիմենք, ունի ընդամենը մեկ պատասխան` ոստիկանություն։ Ընդ որում, մեկ ա, գումարը դժվար երբեւէ ստանաք հետ։
Էսքանը։ Հուսանք, մի օր Հայաստանի փողերը կդադարեն պահել հանցագործների ընտանիքները ողջ աշխարհում։ Զուտ էն պատճառով, որ մեր հայրենակիցները անում են, նոր են մտածում»։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝