Արսեն Ավակովն արձագանքել է իր՝ Զելենսկիին փոխարինելու մասին լուրերին

Ուկրաինայի ՆԳՆ նախկին ղեկավար Արսեն Ավակովը պատասխանել է Ռուսաստանի Դաշնության այն հայտարարությանը, թե ԱՄՆ-ն ցանկանում է Վոլոդիմիր Զելենսկիին փոխարինել իրենով։

Ավակովը կատակել է, որ այս «տեղեկատվական ռումբը» պատրաստելիս՝ Ռուսաստանի Դաշնությունը բաց է թողել Ուկրաինայի նախապատրաստությունը Կուրսկի շրջանում գործողությանը։

«Հիմա պարզ է, թե ինչ էր անում ռուսական «խիզախ» հետախուզությունը, երբ բաց թողեց Կուրսկի շրջանում Ուկրաինայի ԶՈւ հարձակումը. «ինֆո-ռումբ» էին պատրաստում։ Դրա մասին ասված ամեն ինչ գեղեցիկ է` յուրաքանչյուր բառ: «Ամերիկացիները որոշել են փոխել», «վստահել են ՀԿ-ներին», «խորհրդակցել են Տիմոշենկոյի և Պորոշենկոյի հետ», «գտել են ավելի կառավարելի մեկին»... Ամբողջովին վրիպել են։ Ուկրաինական հասարակության մեջ չհաջողվեց ռումբ նետել, բայց մեր զորքերն արդեն այնտեղ ինչ-որ տեղ են՝ Կուրսկի դաշտերում։ Դուք կարող եք քնել և երևակայել ապագան: Ռուսական հեռուստատեսությունը և առցանց հանրությունը խորտակվում է հիմար լցոնումներով. նրանք զվարճանում են: Հուսով եմ՝ գերտաքացումից կվառվեն»,-Տելեգրամի իր ալիքում գրել է Ավակովը։

Ավակովը հավելել է, որ Ուկրաինան ժողովրդավարական երկիր է, և երբ ժամանակը գա, ժողովուրդն ինքը կընտրի հաջորդ նախագահին։

Ավելի վաղ ինչպես հայտնել ենք, ՌԴ արտաքին հետախուզության ծառայությունը հայտնել էր, որ Ուկրաինայի նոր ղեկավարը, ում թեկնածությունը ԱՄՆ-ում քննարկում են ներկայիս նախագահ Վոլոդիմիր Զելենսկու փոխարեն, կարող է լինել երկրի ՆԳՆ նախկին ղեկավար Արսեն Ավակովը։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝