Վլադիմիր Պուտինն իր հետ միջուկային ճամպրուկը տարել է Չինաստան (Տեսանյութ) Տարադրամի փոխարժեքները նոյեմբերի 18-ին Արարատի մարզը՝ «կոկորդիլոսագետ» Գարիկի կուռացիայի տա՞կ Ուկրաինայի համար բեռներ փոխադրող հերթական մեծ բեռնանավը ոչնչացվել է Սև ծովում (Տեսանյութ) Պուտինը, Թրամփը և Սի Ցզինպինը «ոտքի վրա» կարճ հանդիպում ունեցան ՍԻՄ նախագահը կուսակցության գրասենյակում ընդունել է ՄԱՍԿ նախագահին Սա գաղափարական հենքի վրա ձեւավորված միասնություն չէ․ Արամ Սարգսյան Առողջության ապահովագրության համակարգի շահառուների թիվը կընդլայնվի ⚡️⚡️«Իրավունք» թերթի այսօրվա տպագիր համարում կարդացե՛ք... Թող իրենց բողոքն ուղղեն տոմս գնողների դեմ․ Կարեն Ղազարյան

Եթե 1991-ի քարտեզների հիման վրա չշարունակեն, ապա Ադրբեջանը շատ հանգիստ կարող է ասել, որ իր գրաված բարձունքները չի վերադարձնում

Հանդիպում

Հուլիսի 1-ի դրությամբ ՀՀ և Ադրբեջանի սահմանազատման հանձնաժողովները միմյանց են փոխանցել կանոնակարգի նախագծերը, ինչպես հայտնում է փոխվարչապետ Մհեր Գրիգորյանի գրասենյակը։ Ի՞նչ ասել է կանոնակարգի նախագիծ հարցի պատասխանը փորձել ենք ստանալ քարտեզագիր ՌՈՒԲԵՆ ԳԱԼԻՉՅԱՆԻՑ, ով նկատեղ.

-Կանոնակարգն այն է, որ ըստ դրա պետք է ամբողջ սահմանազատումն ու սահմանագծումը կատարվեն, այսինքն՝ պետք է ընդունվեն հիմքերը և այլն: Նախապես ասվել է, որ այն պետք է լիներ 1991-ի ժամանակ գոյություն ունեցող խորհրդային ռազմական շտաբի քարտեզների հիման վրա, բայց ես չգիտեմ, թե նորի մեջ ինչ է գրված, մինչև դա չտեսնեմ, չեմ կարող որևէ բան ասել ու հույս ունեմ, որ նույն հիմքի վրա կշարունակեն։ 

Եթե 1991-ի քարտեզների հիման վրա՝ Խորհրդային Միության վերջին քարտեզներով, չշարունակեն, ապա Ադրբեջանը շատ հանգիստ կարող է ասել, որ իր գրաված բարձունքները չի վերադարձնում։ Բայց, կրկնում եմ, որ առանց այդ նոր կանոնակարգը տեսնելու՝ ես ինձ իրավունք չեմ վերապահի խոսել ու ասել, թե ինչ է դա։ 

- Իսկ այս դեպքում ի՞նչ է ստացվում՝ առանց կանոնակարգի Տավուշի մարզում սահմանազատո՞ւմ անցկացվեց։

– Տավուշում կատարվածն այն էր, որ, ըստ իրենց նախնական համաձայնության՝ Ադրբեջանը համաձայնել է, որ 1991 թվականի խորհրդային քարտեզներով գործընթաց սկսի: Եթե դա շարունակենք, ապա այդ մյուս բոլոր տարածքները, որ Ադրբեջանը գրավել է՝ 200 քառակուսի կիլոմետրից ավելի, մեզ պետք է վերադարձնի, բայց Ալիևի հայտարարությունները Սահմանադրության վերաբերյալ ցույց են տալիս, որ նա ընդհանրապես չի ուզում խաղաղության պայմանագիր ստորագրել։ 1976-ի քարտեզներն էլ նույնն են, ինչ 1991-ինը, որևէ փոփոխություն չի եղել։ Եթե 1976-ինը շարունակեն մինչև հարավի սահման՝ Իրանի սահման, դա կլինի ի նպաստ մեզ։

Հավանեցի՞ր հոդվածը, կիսվիր ընկերներիդ հետ