Թուրքերի մեծ հոսք է սպասվում, ոտքի՛ կանգնիր, փրկիր քո Հայաստանը. ՀՀ վաստակավոր արտիստ

«Իրավունք»-ի հետ զրույցում ՀՀ վաստակավոր արտիստ, երգչուհի ԳԱՅԱՆԵ ՆԵՐՍԻՍՅԱՆՆ անդրադարձել է Նիկոլ Փաշինյանի արձակուրդին, դրան նախորդած  իրադարձություններին եւ զգուշացրել՝ սպասվելիք դեպքերի մասին:

- Մի քանի օր առաջ վարչապետ կոչեցյալ ազգադավ պատուհասն իր «ուսապարկերով» այցելեց Կիրանց, որպեսզի տեսնի իր իսկ կամքով դրված փշալարերը, ինչն անվանում է սահմանագծում: Նաեւ համոզվի, որ կիրանցին ճարահատյալ լռում է՝ չունենալով որեւէ հնարավորություն պաշտպանելու իր հայրենի հողը: Գոհ լինելով իր կատարածից, ազգադավ վարչապետ կոչեցյալը մեկնեց հանգստանալու եւ իր թատերախմբի հետ հասավ, հեծանիվով անցավ Բրանդենբուրգյան դարպասների մոտով՝ ներկայացնելով հերթական թատրոնը: Գնաց հանգստանա եւ թարմ ուժերով գա ու շարունակի փշալարեր տեղադրել Հայաստանի մյուս տարածքների վրա՝ անվանելով սահմանագծում:

Չի բացառվում, որ շատ շուտով փշալարեր տեղադրեն մեր բնակարանների մոտ, քանի որ Ալիեւի պահանջով թուրքերի մեծ հոսք է սպասվում Հայաստան՝ մեր հայրենիքում բնակվելու նպատակով:

Հա՛յ ժողովուրդ, դեռեւս որեւէ մեկը եւ որեւէ ուժ չէր կարողացել քո արժանապատվությունն այսպես ոտնատակ անել: Այս հրեշավոր իշխանությունը վերջ է դնում քո լինելիությանը: Պահն օրհասական է, ոտքի՛ կանգնիր, փրկիր քո Հայաստանը:

ՀՐԱՆՏ ՍԱՐԱՖՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝