Ում գլխին կընկնեն կտրված ծառի խնձորները. Գառնիի սկանդալի հետքերով

Վերջերս  հայկական սոցիալական ցանցերում եւ լրատվական դաշտում անասելի աղմուկ բարձրացավ  խնձորի ծառերի  հատման կապակցությամբ: Ինչ-որ մարդիկ  հուզումնալից կերպով նշում էին, որ «միայն թուրքը կարող էր դա անել»: Ոմանք հասան նույնիսկ անձնական վիրավորանքների ու սպառնալիքների: Այն ինչ սեփականատերը իր սեփական տարածքում  հատել էր իր սեփական ծառերը եւ որեւէ հակաօրինական  բան այդտեղ չկա: Ինչպես ցանկացած մարդ իր սեփական տարածքում  կարող է հատել ծառ կամ իր բնակարանում  փոխել կահույքը:

Ինչեւէ, վերը նշված առաջին հայացքից սկանդալային, իսկ իրականում իր իսկ սեփականության նկատմամբ սեփականատիրոջ իրավունքի ոտնահարման դրվագը այլեւս տեղափոխվել Կոտայքի մարզի առաջին ատյանի դատարան: Եվ առավել զավեշտալի դրվագներին, փաստորեն դեռ պետք է դատարանում ականատես լինեինք: Մասնավորապես, նիստ նախագահող դատավոր` Կարաքեհյանը հայցվոր կողմի հետ ուղիղ կես ժամ համաձայնեցնում էր տեսալուսանկարահանումը կարող ենք իրականացնել, թե ոչ, բայց կոս ժամանոց բանակցությունը արդյունք չտալով, որոշվեց, որ կարող ենք տեսալուսանկարահել, բացառությամբ հայցվոր կողմի ներկայացուցչին: Բայց հետաքրքիրը բացահայտումը դեռ առջեւում էր, երբ պատասխանող կողմի ներկայացուցիչ, փաստաբան Գեղամ Մարգարյանը դատարանի շուշադրությունը հրավիրեց դատական ակտում տեղ գտած սխալների վրա` առաջարկելով հայցվոր կողմի կամ դատարանի նխաձեռնությամբ շտկելը սխալները: Հատկանշական է, որ այդ կարեւորագույն փաստը չէր նկատել հայցվոր կողմը, իսկ դատարանը ընդունեց այն, որպես դատավարական վրիպակը եւ միայն պատասխանող կողմի ներկայացրած փաստարկներից, հետո որոշեց այն ընդունել, որպես ի գիտություն եւ կատարել դատական ակտում համապատասխան փոփոխություններ:

Այսքանից հետո մեզ մնում է հուսալ, որ տվյալ դատավորը դատական ակտ կայացնելիս եւս իրականությունը չի շփոթի մտացածին վրիպակների հետ եւ կկայացնի իսկապես արդարացի դատական ակտ:

Իսկ, թե ինչն էր վեճը ԶԼՄ-ների միջոցով հանրայնացրած հայցվոր կողմի նիստ տեսաձայնագրելու դեմ լինելու պատճառը այդպես էլ մնաց անհայտ:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝