Նիկոլը կրկին արտաքին վեկտորն ուղղում է դեպի Ռուսաստան. ԶԱՐՄԱՆՔ
Զարմանք
Թվում էր, թե միայն սատանիստները կարող են ուրախանալ` եկեղեցու թուլացմամբ, բայց պարզվում է` իրավիճակ է փոխվել: ԱԺ ՔՊ-ական պատգամավոր ԱՐՍԵՆ ԹՈՐՈՍՅԱՆԸ «Ազատություն» ռադիոկայանին տված հարցազրույցում հպարտորեն արձանագրում է. «Ինչքան եկեղեցին թույլ է, այնքան ուժեղ է պետությունը, ես ուրախ եմ, որ եկեղեցին թուլանում է»։ Ինչ խոսք, զարմանալի «զուգադիպությամբ» միայն «Ազատություն» ռադիոկայանի մտքով կարող էր անցնել աթեիստական հակումներով օրենսդիրի հետ քննարկել եկեղեցական հարցեր:
Ի դեպ, բոլորովին պատահական չէ «Ազատություն» ռադիոկայանի նման շեշտադրմամբ հարցազրույց կազմակերպելը, քանի որ բոլորովին վերջերս ԱՄՆ ՊԵՏԴԵՊԸ իր տարեկան զեկույցն է հրապարակել աշխահի շուրջ 200 երկրներում, ներառյալ Հայաստանում, կրոնական ազատությունների մասին: Զեկույցում ԱՄն Պետդեպն իր վրդովմունքն էր հայտնել` կառավարության գործունեության եւ քաղաքականության մեջ Հայ Առաքելական Եկեղեցու ներգրավվածության հետ կապված: Շեշտադրել, թե 2023 թ.-ի ընթացքում Հայ Առաքելական Եկեղեցու հոգեւորականները շարունակել են առանց սահմանափակումների մասնակցել քաղաքացիական դիսկուրսին, իսկ Գարեգին Բ կաթողիկոսը՝ կոչեր հնչեցնել վարչապետ Փաշինյանի հրաժարականի մասին: Մինչդեռ ԱՄՆ պետքարտուղարությունը խրախուսել էր այն, որ չնայած Հայ Առաքելական Եկեղեցու առարկություններին՝ 2023 թվականի ուսումնական տարվա ընթացքում իշխանությունները սկսել են աստիճանաբար հանել «Հայ Առաքելական Եկեղեցու պատմություն» դասընթացը պարտադիր դպրոցական ծրագրից: Ու առաջին քրիստոնյա երկրում ժողովուրդը լուռ է, որեւէ մեկը հարց չի բարձրացնում, թե ամերիկացիներն ի՞նչ իրավունք ունեն` թիրախավորել Ամենայն Հայոց կաթողիկոսին ու 1700–ամյա Հայ Առաքելական եկեղեցին:
Զարմանալի ակտիվություն է դրսեւորում ՌԴ-ում ՀՀ արտակարգ եւ լիազոր դեսպան ՎԱՂԱՐՇԱԿ ՀԱՐՈՒԹՅՈՒՆՅԱՆԸ: Եթե իր ողջ դիվանագիտական առաքելության ընթացքում ձեն-ծպտունը դուրս չէր գալիս, ապա հիմա, երբ խոսակցություններ կան, որ շուտով նրան փոխարինելու է նոր դեսպան, սկսել է հայտարարություններ անել: Նա Բելգորոդում հայկական սփյուռքի ներկայացուցիչների հետ հանդիպման ժամանակ ո՛չ ավել, ո՛չ պակաս հայտարարել է, թե` «Պետությունների միջեւ հարաբերությունները որոշվում են ոչ թե թերթերի որոշ հոդվածներով կամ անհատների հայտարարություններով, այլ` միջպետական համաձայնագրերով»: Միայն թե հարց է ծագում` սրանով Վաղարշակ Վառնազիչը որոշել է «բշտել» Փաշինյանին եւ տարանջատվել նրա թիմի՞ց, թե՞ Նիկոլը կրկին արտաքին վեկտորն ուղղում է դեպի Ռուսաստան, ինչի համար հող է նախապատրաստում պարոն դեսպանը:
Իսկ Արեւմուտքում հերթական ռազմական զավեշտն է տեղի ունեցել: Դեռեւս փետրվարին HMS Vanguard միջուկային սուզանավը արձակել է Trident II միջմայրցամաքային բալիստիկ հրթիռը, որը կարող է միջուկային զենք կրել: Սուզանավում եղել է Մեծ Բրիտանիայի պաշտպանության նախարարության ղեկավար Գրանթ Շապսը եւ այլ բարձրաստիճան սպաներ։ Սակայն, պարզվում է` փորձարկումներն օրերս ավարտվել են անհաջողությամբ։ Հրթիռի արագացուցիչները օդում ճիշտ չեն աշխատել, այն լքել է սուզանավը, բայց հետո ուղղակի ընկել է մոտակայքում։ «Սա խայտառակություն է»,- այսպես է մեկնաբանել միջադեպը նախկին առաջին ծովային լորդ` ծովակալ Ալան Ուեսթը։ Չէ, այսպես, որ գնա Անգլիան իր իսկ ձեռամբ` ջրի տակ է անցնելու:
«Իզմիրլյան» բկ-ի անոթային բաժանմունքը նոր ղեկավար ունի
Ժամանակավոր ուստուպկեքի պիտի գնանք. Ինչ է հանձնարարել Փաշինյանը
ԱՄՆ հանրապետականները պատրաստվում են քվեարկել Պենտագոնի ղեկավարի իմպիչմենտի օգտին
Հայաստանը Ռուսաստանի համար եղել է և կլինի շատ կարևոր երկիր. ՌԴ դեսպան
1
13760 դիտում
2
7038 դիտում
3
3832 դիտում
4
3374 դիտում
5
3261 դիտում
1
31598 դիտում
2
19797 դիտում
5
5046 դիտում
4
11599 դիտում
5
11538 դիտում
