ՀԵՐՈՍ ԱՐՄԵՆ ՀՈՎՀԱՆՆԻՍՅԱՆԸ ԿԴԱՌՆԱՐ 30 - ՏԱՐԵԿԱՆ
Հասարակություն![ՀԵՐՈՍ ԱՐՄԵՆ ՀՈՎՀԱՆՆԻՍՅԱՆԸ ԿԴԱՌՆԱՐ 30 - ՏԱՐԵԿԱՆ](/timthumb.php?src=disc/01-07-24/d68a2d55a9ea9a55d7272b466f3a9ea1.jpg&w=780)
Հունիսի 30-ը, անմահ հերոս, Արցախի ՊԲ կրտսեր սերժանտ ԱՐՄԵՆ ԼԵՎՈՆԻ ՀՈՎՀԱՆՆԻՍՅԱՆԻ ծննդյան օրն է, կդառնար 30 - տարեկան։ Եռաբլուր զինվորական պանթեոն են այցելել հարազատներ, ընկերներ, որդեկորույս ծնողներ, ծաղիկներ խոնարհել ու խնկարկել։ Արմենը ընտանիքի միակ որդին էր, ունի երեք քույր։ Մինչև բանակ զորակոչվելը սովորել է Մշակույթի պետական քոլեջում, զբաղվել քանդակագործությամբ, պատրաստվում էր օպերատոր դառնալ։ Նա հերոսաբար զոհվել է 10 տարի առաջ, 2014 թվականի հունվարի 20-ին, Մարտակերտում։ Բռնկված հրաձգության արդյունքում, հակառակորդի կողմից ստացած հրազենային վիրավորումից հյուսիսարևելյան ուղղությամբ տեղակայված մարտական դիրքում իր առջև դրված խնդիրը կատարելու ժամանակ, հերոսաբար զոհվել է Արմեն Հովհաննիսյանը։ Հետմահու արժանացել է «Արիության համար» և «Հայրենիքին մատուցած ծառայությունների համար» առաջին աստիճանի մեդալի։ Հուղարկավորվել է զինվորական կարգով Եռաբլուր զինվորական պանթեոնում։ Մեջբերենք Արմենի խոսքերը. «ԲՈԼՈՐ ԴԻՐՔԱՊԱՀ ՏՂԵՐՔԸ ԹԱԳԱՎՈՐ ԵՆ»։
ՇՆՈՐՀԱՎՈՐ ԵՐԿՆԱՅԻՆ ԾՆՈՒՆԴԴ, ԱՆՄԱՀ ՀԵՐՈՍ, ՔՈ ՍԽՐԱՆՔՆ ԱՆՄԱՀ Է, ՔՈ ԱՆՈՒՆԸ ՄԵՐ ՍՐՏԵՐՈՒՄ...
Պատրաստեց ՀՈՎՀԱՆՆԵՍ ՍԱՐԳՍՅԱՆԸ
![](disc/01-07-24/5b1ca1d8cdb24593ed23a6d93340feeb.jpg)
![](disc/01-07-24/c2751ce7fdcde534397b8d925517b54b.jpg)
![](disc/01-07-24/834be6156634b86f9493c462a0424ac2.jpg)
![](disc/01-07-24/0191d82151b5544683d1087418f1dbe3.jpg)
![](disc/01-07-24/65dd7564b8275499001219f2674f244c.jpg)
![](disc/01-07-24/3fccc9ce01ac2813f8eac9586b4dee80.jpg)