Անիմաստ ժամավաճառությամբ ենք զբաղված. Օկուպացված հայրենիքի անկախ պատգամավորը փակագծեր է բացում

Չէի ցանկանա իրավական գնահատական տալ մի երևույթի մասին որի մանրամասներին տեղյակ չեմ։ Եթե հիմք ընդունենք առկա փաստը, որ խնդրո առարկա Քեմրին նախապես կնքվել էր ՀՀ քննչական մարմինների կողմից և այդ դեպքից հետո հեռախոսազրույց է տեղի ունեցել ՀՀ քննչական ծառայության ղեկավարի հետ, պատրաստակամություն հայտնելով տրամադրել նշված մեքենան , ապա անհասկանալի է մնում քննչական գործողություններում ուժի կիրառումը և դարպասները ծխնեհան անելը։ Ինձ թվում է պետք է այդ մասին բաց խոսի նաև քննչականի ղեկավարը որպեսզի հասարակության ընկալումների մեջ մութ կետեր չմնան։ Մեր ժողովուրդը ամեն մանրուք իմանալու իրավունքը ունի և արհեստական սրացումները մեզ լավ տեղ չեն հասցնի,-անդրադառնալով օկուպացված Արցախի երբեմնի նախագահ Սամվել Շահրամանյանի ծառայողական մեքենան առգրավվելու փաստին, ասաց օկուպացված հայրենիքի անկախ պատգամավոր ԿԱՐԵՆ ՀՈՎՀԱՆՆԻՍՅԱՆԸ, ընդգծելով.

-Ինչ մնում է Արցախի ԱԺ ի պատգամավորների և խմբակցությունների վերաբերմունքին կամ աշխատանքին, յուրաքանչյուրը հասուն և կայացած մարդիկ են և իրենք գիտեն իրենց անելիքները, չեմ կարծում , որ չեն պատկերացնում  թե իրենց քայլերը և թե հետևանքները, իսկ ինչ մնում է առօրյա սոցիալական խնդիրներին ես մենակ իմ տեղը կարող եմ ասել , որ առաջվա պես չեմ կարողանում շատ հարցերում օգտակար լինել, բայց հնարավորություններիս սահմանում փորձում եմ օգնել, խնդիրների լուծման եղանակներ գտնել։

Անդրադառնալով Փաշինյանի որակավորումներին մասնավորապես արցախցիներին որպես միտինգի «մատերիալ» օգտագործելուն պատգամավորը նկատեց.

-Վարչապետ Փաշինյանի հայտնի ելույթում արցախցիներին որպես միտինգի մատերիյալ բնորոշելը այդքան էլ կոռեկտ չի, վերջի վերջո պետք չէ կտրվել իրականությունից և հիշել, որ այդ մարդիկ հայ են, ունեն ցավ և չունեն տեսանելի լուծումներ, կարոտը խեղդում է և ինչ-որ ելքերի փնտրտուքի մեջ  կարող են և մասնակցել հավաքների, չնայած չեմ բացառում նաև այլ շահագռգծվաթյուն ունեցող քաղաքացիների մասնակցությունը ընդդիմադիր հավաքներին, ամեն մարդ իր խղճի առաջ է պատասխան տալիս և ոչ բոլորն են միատեսակ մտածում կամ ընկալում շրջապատող միջավայրը։ Առհասարակ, այս բարդ ժամանակաշրջանում հնարավորինս պետք է զերծ մնալ փոխադարձ անհարգալից վերաբերմունքից։ Ով է մեղավոր, ինչքանով է մեղավոր դա այս պահին խնդրի լուծումը չէ, պետք է բաց աչքերով նայել վտանգներին և կենտրոնանալ սպառնացող վտանգը հեռու պահելու գործընթացների վրա։ Սխալներ բոլորս էլ թույլ ենք տվել, հիմա շահարկել թե Եվլախ կամ Սոֆիյա որն է ճիշտ, կամ էլ թե չէ Արցախը Հայաստան է և վերջ կոչն էր ճիշտ,  թե նոյեմբերի 9 ի փաստաթուղթը որպես հետևանք, դա անիմաստ ժամավաճառություն է, ոչ մի տեղ չտանող ճանապարհ։ Ինչ եղել է եղել է, այժմ ավելի մեծ սպառնալիքների տակ է Հայաստանը և հիմա խրամատում բոլորս ենք ու մի նպատակով՝ Հայաստանը պիտի պահի ու պահպանի իր անկախությունը հետագայում կորցրած իրավունքները հետ բերելու երազանքի համար։

Այս թեմայով Ցուցադրաբար նվաստացնում են Շահրամանյանին՝ մտածելով, որ դա կհեշտացնի իրենց հարաբերությունները թշնամու հետ, բայց ես լավ գիտեմ ադրբեջանցիներին, նրանք արհամարհում են թույլերին Արթուր Վարդանյանը քաղբանտարկյալ է. ակնկալում եմ ամենքի արձագանքը. կինը փակագծեր է բացում Պետք չէ ամեն մի աղբ համարել մշակույթ. Կարեն Գրիգորյան Երբ ցեղասպանվում էր ձեր Հայրենակիցը, միայն ծածուկ ասում էիք՝ էսա մեղավոր, էնա մեղավոր Առյուծի բաժինը որպես հին` քոյնա, պահել է իրեն. ԸՆԿԵՐ ՓԱՆՋՈՒՆԻ