Օրը ցերեկով հայի ջարդ է տեղի ունենում նույնիսկ Հայաստանի մայրաքաղաքի սրտում. Ալլա Հակոբյան

«Ստեղծված իրավիճակում ԲՈԼՈՐ կուսակցությունների ՆԱԽԱԳԱՀՆԵՐԸ պարտավոր են հավաքվել եւ ստեղծել ԿՈՄԻՏԵ, որը կհավաքի բոլոր վկայություններն ու փաստերը հունիսի 12-ի տուժածների վերաբերյալ: Ուստի, անհրաժեշտ է՝

 

1. Պարզել բոլոր 115 վիրավորների տան հասցեները

 

2. Ապահովել մեծ քանակով լրագրողներ, ովքեր կմեկնեն այդ հասցեներով հանրապետության տարբեր վայրեր եւ ԿՆԿԱՐԵՆ վիրավորների վիճակը:

 

3. Բաշխել լրագրողներին ըստ հասցեների՝ մեկ օրում մեկ լրագրող հազիվ կարողանան երեք այցելություն ունենալ:

 

4. Ապահովել լրագրողներին տրանսպորտային միջոցներով եւ վարորդներով:

 

5. Հոգալ թե՛ լրագրողների, թե՛ վարորդների օրավարձը, հարկ եղած դեպքում՝ հյուրանոցային ծախսերը:

 

6. Ստեղծել իրավաբաններից բաղկացած ԿՈՄԻՏԵ, ովքեր ի մի կբերեն հավաքված տվյալները ապագա ԲՈՂՈՔԱՐԿՈՒՄՆԵՐԻ համար:

 

Արդեն օրը ցերեկով հայի ՋԱՐԴ է տեղի ունենում նույնիսկ Հայաստանի մայրաքաղաքի սրտում: Կրկնում եմ, ԲՈԼՈՐ ՏՈՒԺՎԱԾՆԵՐԻ վերքերը պետք է նկարահանվեն: Ամեն մեկը պետք է պատմի գոնե այն, ինչը հիշում է մինչեւ իր վիրավորվելը: Մարդիկ հիմա իրենց տներում ԻՆՔՆՈՒՐՈՒՅՆ հոգում են իրենց ապաքինության ծախսերը: Այդ ԿՈՄԻՏԵՆ հարկավոր է, որպեսզի ՏՈՒԺՎԱԾՆԵՐԸ ՓՈԽՀԱՏՈՒՑՈՒՄ ստանան ՊԵՏՈՒԹՅՈՒՆԻՑ՝ անհամաչափ ուժ կիրառելու համար, իսկ ՄԵՂԱՎՈՐՆԵՐԸ՝ ՊԱՏԺՎԵՆ:

 

Հ.Գ. Մեծահարուստներ, օգնե՛ք այս ամենը ԻՐԱԳՈՐԾԵԼ... Բաքվի բանտում նստած ձեր ընկերներն այդ անել չեն կարող...», - շեշտել է գրող, հրապարակախոս ԱԼԼԱ ՀԱԿՈԲՅԱՆԸ: