Վրաստանը խառնեց հայաստանյան «շպիոնների» հաշվարկները

«­Քար­նե­գիի» հիմ­նադ­րա­մի ա­վագ գի­տաշ­խա­տող, ուլտ­րա­լի­բե­րա­լիզ­մի քա­րոզ­չա­մե­քե­նա­յի մաս­նիկ, ոչ ան­հայտ Թո­մաս դե Վաա­լը, ի ցույց դնե­լով Հա­րա­վա­յին Կով­կա­սում անգ­լո­սաք­սո­նա­կան նկրտում­նե­րի ի­րա­կան դրդա­պատ­ճառ­նե­րը (Տե´ս https://iravunk.com/?p=285205&l=am), Ա­րեւ­մուտ­քի հա­մար այդ­քան ան­ցան­կա­լի «Հ­յու­սիս-­Հա­րավ» մի­ջանց­քի ա­ռանց­քա­յին դե­րա­կա­տար­նե­րից մե­կին էլ տես­նում է Վ­րաս­տա­նին: «Ռու­սա­կան զոր­քե­րի դուրս­բե­րու­մը Ղա­րա­բա­ղից թու­լութ­յան նշան է: Նույ­նը կա­րե­լի է ա­սել Հա­յաս­տա­նի՝ դե­պի Արեւ­մուտք շրջվե­լու եւ վ­րաց հա­սա­րա­կութ­յան զանգ­վա­ծա­յին դի­մադ­րութ­յան նրան, ինչն ընդ­դի­մութ­յունն ան­վա­նում է «ռու­սա­կան օ­րենք»»։

­Սա, հաս­կա­նա­լի է, պարզ խոս­տո­վա­նու­թյուն է, թե ի­րա­կա­նում ում ջան­քերն են դրված հա­յաս­տան­յան իշ­խա­նա­վոր­նե­րի ա­րեւմ­տա­մո­լութ­յան եւ վրա­ցա­կան ընդ­դի­մութ­յան ներ­կա գոր­ծո­ղու­թյուն­նե­րի տակ: Այլ հարց, որ մաս­նա­վո­րա­պես Վ­րաս­տա­նում, որ­քան էլ Ա­րեւ­մուտ­քը փոր­ձեց ա­ռաջ տա­նել հե­ղաշրջ­ման ծրա­գի­րը, գո­նե այս պա­հին դեռ ո­չինչ չի ստաց­վում: Ա­վե­լին, Վ­րաս­տա­նը հաղ­թա­հա­րեց ի­րենց ֆրան­սահ­պա­տակ նա­խա­գա­հի վե­տոն «ռու­սա­կան օ­րեն­քի» հետ կապ­ված, ին­չը Ա­րեւ­մուտ­քի հա­մար լուրջ ա­հա­զանգ է՝ Վ­րաս­տա­նին աչ­քի ա­ռաջ կորց­նում են: Ս­րան, հաս­կա­նա­լի է, կհե­տե­ւեն պատ­ժա­մի­ջոց­ներ, քա­ղա­քա­ցիա­կան պա­տե­րազմ հրահ­րե­լու փորձ, բայց ներ­կա դիր­քե­րից քիչ հա­վա­նա­կան տեսք ու­նի, որ նման փոր­ձե­րով կկա­րո­ղա­նան Վ­րաս­տա­նին հետ վերց­նել:

Ու ա­հա այս­տեղ է, որ նաեւ Նի­կոլն է շատ բարդ վի­ճա­կում հայտն­վում: Այն, որ Ա­լիե­ւը նա­խընտ­րում է գոր­ծել ռու­սա­կան աշ­խար­հա­քա­ղա­քա­կան վեկ­տո­րին, մեղմ ա­սած, հա­մա­հունչ: Այն կար­գի, որ շատ փոր­ձա­գետ­ներ չեն բա­ցա­ռում, որ մոտ ժա­մա­նակ­ներս Բա­քուն ԵԱՏՄ-ին ան­դա­մակ­ցութ­յան հայտ կներ­կա­յաց­նի: Վ­րաս­տա­նում զար­գա­ցում­նե­րը կար­ծես թե պարզ են: Ի­րա­նը, ի լրումն ՌԴ-ի հետ բա­զում կա­պե­րի, նաեւ ԵԱՏՄ-ում դի­տոր­դի կար­գա­վի­ճա­կի հայտ է ներ­կա­յաց­րել: Թուր­քիան կցան­կա­նար միա­նալ ԲՐԻԿՍ-ին, ե­րեկ հայ­տա­րա­րեց Հա­քան Ֆի­դա­նը:

Այս­պի­սով, ստաց­վում է նման վի­ճակ: Այս բո­լոր երկր­նե­րը, ի­հար­կե, ու­նեն սե­փա­կան շա­հերն ու ծրագ­րե­րը: Բայց մեկ ընդ­հան­րաց­նող բան կա՝ բո­լորն էլ մաս են կամ պատ­րաստ­վում են մաս դառ­նալ կա­ռույց­նե­րի, ո­րոնց ա­նուն­ներն ան­գամ Վա­շինգ­տո­նում եւ Լոն­դո­նում ա­տե­լութ­յամբ են ըն­կա­լում: Ու Հա­յաս­տա­նը մնում է շրջա­պատ­ված այդ երկր­նե­րով, ընդ ո­րում, ար­դեն իսկ հան­դի­սա­նա­լով նույն կա­ռույց­նե­րի ան­դամ, ան­կախ դե­պի Եվ­րո­պա իշ­խա­նա­կան կո­չե­րի: Այս ի­րա­վի­ճա­կում, մեծ հարց է, որ ե­թե ինչ-որ գլո­բալ փո­փո­խութ­յուն չլի­նի, ինչ­պե՞ս է Նի­կո­լը պատ­րաստ­վում հրա­ժար­վել ռու­սա­կան ուղղ­վա­ծութ­յան կա­ռույց­նե­րում ան­դա­մակ­ցութ­յու­նից՝ ա­րեւմտ­յան վեկ­տոր վերց­նե­լով: Ի­հար­կե, կա­րող ես քեզ տա­րա­ծաշր­ջա­նի «սպի­տակ ագ­ռավ» հռչա­կել: Բայց այն ի­րա­վի­ճա­կում, երբ ան­գամ օ­դա­յին ու­ղի­նե­րը կա­րող են պետք ե­ղած դեպ­քում փակ­վել, «ագ­ռավ» լի­նելն էլ օ­գուտ չի տա:

Ի դեպ, նա­խօ­րեին  ուկ­րաի­նա­կան դեռ ար­ժա­նա­հա­վատ աղբ­յուր­նե­րից մե­կը հե­տաքր­քիր փաստ մատ­նան­շեց. «Մեր աղբ­յու­րը խո­սեց վեր­նա­խա­վի շրջա­նում հաս­տատ­ված կար­ծի­քի մա­սին, ո­րը 2022 թվա­կա­նից պա­տե­րազ­մի սրման մե­ղա­վոր է հա­մա­րում Անդ­րեյ Եր­մա­կին, ով օգ­տա­գոր­ծել է կա­պե­րը բրի­տա­նա­կան հե­տա­խու­զութ­յան հետ` հա­նուն իշ­խա­նութ­յան։ Նա­խա­գա­հի աշ­խա­տա­կազ­մի ղե­կա­վարն օգ­տա­գոր­ծեց մի­ջազ­գա­յին կա­պե­րը` գլխա­վոր մրցա­կից Կի­րիլ Տի­մո­շեն­կո­յին Զե­լենս­կու շրջա­պա­տից մաք­րե­լու հա­մար, ով մինչ պա­տե­րազ­մը ա­մե­նա­մեծ բյու­ջեն ու ազ­դե­ցութ­յունն ու­ներ նա­խա­գա­հի վրա: Պա­տե­րազ­մը Եր­մա­կին թույլ տվեց զրկել Զե­լենս­կուն ուկ­րաի­նա­կան ի­րա­դար­ձութ­յուն­նե­րի վե­րա­բեր­յալ ցան­կա­ցած այ­լընտ­րան­քա­յին տե­սա­կե­տից եւ կար­ծիք ներշն­չել, որ նա ամ­բողջ աշ­խար­հի առջեւ ա­ռա­քե­լութ­յուն է ի­րա­կա­նաց­նում Ռու­սաս­տա­նի դեմ պայ­քա­րում»:

­Կարճ ա­սած, MI6-ի ըն­դա­մե­նը մեկ շպիո­նին հա­ջող­վել է այդ­քան ա­ղետ­ներ բե­րել մեկ մեծ պետութ­յան գլխին: Եվ ա­հա չմո­ռա­նանք, որ Հա­յաս­տա­նում եւս նման շպիոն ու­նենք, եւ բախ­վում ենք մեր չա­փա­նիշ­նե­րով ոչ պա­կաս ա­ղետ­նե­րի: Այն տար­բե­րութ­յամբ, որ Ուկ­րաի­նան ու­ղիղ կա­պի մեջ է Ա­րեւ­մուտ­քի հետ, եւ շպիոն­ներն ա­զատ աշ­խա­տե­լու եւ դրսից մասշ­տա­բա­յին օգ­նութ­յուն ստա­նա­լու հնա­րա­վո­րութ­յուն ու­նեն: Իսկ ա­հա Հա­յաս­տանն Ա­րեւ­մուտ­քի հա­մար դար­ձավ շրջա­պատ­ված տի­րույթ, ու քա­նի դեռ չեն կա­րո­ղա­ցել լու­ծել Վ­րաս­տա­նի խնդի­րը, Նի­կո­լը շատ լուրջ փա­կու­ղում է մնում: Եվ այն, որ Նի­կոլն իր ծննդյան օ­րը ան­ձամբ էր զան­գա­հա­րել Պու­տի­նին, ին­չպես պնդում են լրատ­վա­մի­ջոց­նե­րը, հե­տաքր­քիր եւ շատ բան ա­սող դե­տալ է:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝