Հակոբ Արշակյանն ադրբեջանցու միջոցով օտարերկրյա անձնագի՞ր է ձեռք բերել
Ներքաղաքական«Ավելի վաղ գրել էինք, որ ԱԺ փոխխոսնակ Հակոբ Արշակյանն ունի Ղազախստանի քաղաքացիություն: Նույնիսկ անձնագրայինում գրանցված համարն էինք նշել: Մեր գրառմանը հաջորդեց Հակոբ Արշակյանի հերքումը:
Իսկ հիմա մի քանի փոքր արձանագրումներ, որից հետո հնարավոր է, որ Հակոբ Արշակյանի հիշողությունը վերականգնվի: Հակոբ Արշակյանը 2010-2014 թվականներին որպես ինժիներ աշխատել է «Նեյշնլ Ինսթրումենթս» ընկերությունում: 11 հուլիս 2010-ին մի քանի օրով գոծուղվել է Թաթարստանի Ալմեթիևսկ քաղաք եւ բնակվել է Շևչենկո փողոցի 48-րդ շենքում գտնվող «Վոսխոդ» հյուրանոցում (հյուրանոցի անունը հիմա փոխվել է «Վոսխոդ 2»-ի): Այս այցը շատ կարեւոր է, քանի որ դրա ընթացքում իր թաթար գործընկերոջ միջոցով ծանոթանում է ազգությամբ ազերի Մուստաֆաեւ Բաղրան Թալիբօղլիի հետ: Հիշյալն այս պահին հանդիսանում է Թաթարստանի ազերիների ազգային մշակութային համայնքի ղեկավարը: Այդ հանդիպումից մինչ այսօր նրանց միջեւ կապը պահպանվել է: Ի դեպ, Մուստաֆաեւը նաեւ «մեծ թուրան» գաղափարի պաշտպաններից է: 2012 թվականին նույն Մուստաֆաեւի ֆինանսավորմամբ՝ Հակոբ Արշակյանը Հայաստանում ստեղծում է «ՀԻՄԱ» ՀԿ նախաձեռնությունը:
Ի դեպ, Հակոբ Արշակյանը եղել է «Դեմ եմ պարտադիր կենսաթոշակային վճարներին» շարժման համակարգող խմբի անդամ, նաեւ «Քաղաքացիական պայմանագիր» կուսակցության հիմնադիր անդամներից է եւ 2019 թվականից անդամակցում է կուսակցության վարչությանը: 2020 թվականի 44-օրյա պատերազմից հետո քպ-ականները վախենալով ժողովրդային մեծ ալիքից սկսում են մտածել անհրաժեշտ պահին Հայաստանից փախչելու հնարավորության մասին: Նույն ժամանակ հակոբ արշակյանը դիմում է Մուստաֆաևին և խնդրում օգնել այլ պետության քաղաքացիություն և անձնագիր ձեռք բերելու հարցում: հակոբ արշակյանը 2020 թվականի դեկտեմբերի 6-ին Մոսկվայի Թեևրսկայա փողոցի 26/1 համարում գտնվող «Մարիոթ» հյուրանոցի 601 սենյակում հանդիպում է Մուստաֆաեւին եւ նրանից ստանում է Ղազախստանի Հանրապետության անձնագիր: Հավելենք նաեւ, որ Արշակյանն ունի նաեւ FA2608163 համարով ուզբեկական անձնագիր, որը ստացել է Ալեն Սիմոնյանի օգնությամբ», - գրել է ֆեյսբուքյան օգտատեր Սարգիս Զելվեյանը: