Զարմանք

Եկեք մեկ րոպե լռությամբ հարգենք ՀՀ ԱԶԳԱՅԻՆ ԺՈՂՈՎԻ չեղած խորհրդարանական դիվանագիտության հիշատակը: Իշխանության մտքով չէր անցել երեկ խորհրդարանական աշխատանքները սկսել` ուղղաթիռի վթարի հետեւանքով մահացած Իրանի նախագահի, արտգործնախարարի եւ այլ պաշտոնյաների հիշատակը մեկ րոպե լռությամբ հարգելով: Իրավիճակը փրկեց ընդդիմադիր «Հայաստան» խմբակացության քարտուղար Արծվիկ Մինասյանը, ում առաջարկով միայն պատգամավորները ոտքի կանգնեցին ու լռեցին: Թեպետ ինչի՞ վրա ենք զարմանում, երբ իշխող «Քաղաքացիական պայմանագիր» խմբակցության ղեկավար Հայկ Կոնջորյանը ժամանակին բարեկամ Իրանին ավտորիտար պետություն էր որակում ԱԺ ամբիոնից, հետո էլ արդարանում, թե բանավոր խոսքում վրիպում է եղել: Էլ չասենք, որ Հայաստան-Իրան խորհրդարանական բարեկամական խմբի ղեկավար, ՔՊ-ական պատգամավոր Նարեկ Բաբայանը` նույն խմբակցության պատգամավոր Լենա Նազարյանի ամուսինը, այս օրերին մի ծպտուն չհանեց Իրանում տեղի ունեցած ողբերգության վերաբերյալ:

Ի դեպ, աշխարհի առնվազն ութ երկրներում, այդ թվում` Իրանում, սուգ է հայտարարվել ուղղաթիռի կործանման հետեւանքով ԻԻՀ նախագահ Էբրահիմ Ռայիսիի եւ նրան ուղեկցող պատվիրակության զոհվելու կապակցությամբ։ Այդ շարքում են Իրաքը, Լիբանանը, Պակիստանը, Սիրիան, Հնդկաստանը Տաջիկստանը եւ Թուրքիան։ Մինչդեռ հարեւան ՀԱՅԱՍՏԱՆՆ «Էշի ականջում քնած է»: 

Ազգային ժողովում ուշագրավ է նաեւ այն, որ ՔՊ-ականները, իրար հերթ չտալով, փորձում են ամենաաբսուրդ մանիպուլիացիաներով արդարացնել իրենց քայլերը՝ Կիրանցում ստեղծված խայտառակ իրավիճակի վերաբերյալ: Երեկ բանը նույնիսկ հասավ նրան, որ ՔՊ-ական պատգամավոր ՍԻՍԱԿ ԳԱԲՐԻԵԼՅԱՆԸ դահլիճից սկսեց գոռալ՝ «Կիրանցում դպրոց չի եղել»: Իսկ տեսնես, նախկին լրագրող Սիսակի կարծիքով՝ բա որտե՞ղ են այդ դեպքում հանդիպել Տավուշի մարզպետն ու գյուղացիները Կիրանցում: Դեռ սա էլ մի կողմ՝ Սիսակը չի էլ լսե՞լ իր շեֆի հարցազրույցը Հանրայինի եթերում, որ ասում էր. «Կիրանցի դպրոցը Ադրբեջանի նշանառության տակ է»: Մի հատ էլ Պետրոս Ղազարյանի հարցին ի պատասխան՝ Նիկոլ Փաշինյանն առաջարկում էր Կիրանցի դպրոցի շուրջ ծառեր տնկել, որ աշակերտներն ադրբեջանցիներին չտեսնեն:

Իսկ ՔՊ-ի նախկին գործընկեր «Լուսավոր Հայաստան» կուսակցության դարդ ու ցավը շարունակում է մնալ նախկիններին մերժելու օրակարգը: ԼՀ խմբակցության նախկին պատգամավոր ԱՆԻ ՍԱՄՍՈՆՅԱՆԸ հիմա էլ հայտարարել է, թե ՀՀ երկրորդ եւ երրորդ նախագահները թող մայիսի 26-ին գան հրապարակ ու հայտարարեն, որ իրենք «այս երկրում այլեւս իշխանություն ունենալու ձգտում եւ ցանկություն չունեն։ Գոնե մի անգամ մի լավ բան անեն Հայաստանի համար, կանե՞ն»: Ու սա ասում է մի քաղաքական ուժի ներկայացուցիչ, որոնց արածը Հայաստանի համար Նիկոլ Փաշինյան ազգի գլխին բերելն էր, պատերազմից առաջ սատարելը, իսկ պատերազմից հետո` Նիկոլ Փաշինյանի հատուկ հանձնարարություններով դեսպան աշխատելը` ի դեմս կուսակցության նախագահ Էդմոն Մարուքյանի: Նախկին նախագահները առնվազն Արցախ են ազատագրել, իսկ ԼՀԿ-ն մինչեւ այսօր չի կարողանում գոնե ազատագրվել նիկոլական թեզերից, որ թոզ փչի հանրության աչքին, թե դարձել է թունդ ընդդիմադիր:

Այս թեմայով Իշխանությունը խոստացած ապագայի հեռանկարն ուղարկել է աղբանոց. Աբրահամյան Բերման են ենթարկվել ՀՅԴ Վայոց Ձորի կառույցի ղեկավար մարմնի անդամներ. Լիլիթ Գալստյան Առեւանգել ու պատանդ են պահում մի քանի քաղաքացիների, այդ թվում՝ կանանց. Գեղամ Մանուկյանն ահազանգում է Լավ, սա մանկապարտե՞զ է, թե՞ խորհրդարան. ԶԱՐՄԱՆՔ Ի­րո՞ք, այս մար­դիկ կար­ծում են, որ մենք հի­շո­ղութ­յուն­ներս կորց­րել ենք. Զարմանք