Այդ նույն մարդիկ այսքան տարի փողոցներում են, ձմեռը գալիս են ներս, ամառը գնում են փողոց. Գագիկ Մելքոնյանը հանրահավաքի մասնակիցների մասին

Իշխանական պատգամավոր Գագիկ Մելքոնյանի պնդմամբ՝ սրբազապ շարժմանը չի հաջողվելու իրենց հեռացնել.«Եկեղեցին ցանկանում է իշխանափոխություն անել։ Ցանկալի կլիներ՝ կաթողիկոսը ստեղծեր մի կուսակցություն և մտներ քաղաքական դաշտ։ Բայց մի մտածեք, թե հայ ժողովորդը Գարեգին Բ-ի համար ուշաթափվում է, նա ժողովրդից հեռացել է։ Ժողովուրդը մեր հոգևոր դասին ընդունում է միայն որպես մեռել թաղողներ, հարսանիք, կնունք անողներ, էսքան բան»,-նկատում է իշխանական պատգամավորը։ 

Վերջինիս խոսքերով.

-Ինչ ուզում են անեն սահմանազատում պետք է լինի եւ մենք պետք է ունենանք պետական սահման: Իսկ, որ հոգեւորականի ասում է՝ որտեղ  մեր զինվորի ոտքն է, այնտեղ է մեր սահմանը, դա շատ վտանգավոր թեզ է: Որովհետեւ 200 քկմ մեր տարածքում կանգնած են ադրբեջանցի զինվորներըմ, ուրեմն, ըստ իր ասելու, մենք պետք է ձեռք քաշենք այդ 200 քկմ-ից: Մենք համաձայնեցրել ենք Ադրբեջանի հետ, որ պետք է սահմանազատում կատարենք 1991-ի Ալմա-Աթայի հռչակագրի համաձայն: Մենք այդ սահմանների տերն ենք, որոնք մեր տարածքներն են»:

-Պարոն Մելքոնյան, ո՞ր թվականի քարտեզներով է իրականացվում սահմանազատումը։

-1991 թվականի քարտեզներով, որի հիմքը 1976 թվականի քարտեզներն են:  Ադրբեջանը համաձայնել է, որ մենք գնում ենք սահմանազատման Ալմա-Աթայի հռչակագրով նախատեսված քարտեզներով։ Պետության կործանման վտանգը որոշակի չափով թուլացավ, որովհետեւ իրենք Տավուշից արդեն դուրս են եկել, հիմա էլ ակցիաներ եմ անում քաղաքում։ Եթե մնային պատերազմը սկսվեր, մենք տուժելու էինք: Այնտեղ նորից կգային ռուսական սահմանապահներ կկանգնեին, մենք կդառնայինք Ռուսաստանի մի գուբերնյա, կվերջանար Հայաստանը իր անկախությունն էլ հետը: Հիմա Բագրատ Սրբազանը եկել Երեւան, այսինքն Տավուշում իրենց կողքը մարդ չհավաքվեց, ժողովուրդը ոտքի չկանգնեց, պատերազմ չարեց:

Հիմա գալիս է Երեւան, ո՞վ է իրեն ողջունում եւ դիմավորում: Միանում է Վանեցյանը, Արշակ Կարապետյանը, ինչքան փախստականներ կան, բոլորը ողջունում են իրեն: Իր կողքը կանգնած է «Հայաստան» խմբակցությունը: Այդ նույն մարդիկ այսքան տարի փողոցներում են, ձմեռը գալիս են ներս, ամառը գնում են փողոց;

Հիմա եթե այդ մարդիկ չեն կարողանում ժողովուրդ հանեն փողոց, Բագրատ Սրբազանն ո՞վ է, Վարդան Մամիկոնյանն է, ով է, որ ժողովրդին կարողանա համախմբել: Ինքը հոյակապ հեղինակություն ուներ Տավուշի մարզում, ժողովուրդն ընդունում էր իրեն, սիրում էր որպես Տավուշի թեմի առաջնորդ: Բայց հիմա այդ դեպքերից հետո իր հեղինակությունը հարվածի տակ դրեց ուրիշ ոչինչ։ 

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝