Եթե 150-200 հազար մարդ հավաքվի փողոցներում․ Որ դեպքում Նիկոլ Փաշինյանը կգնա արտահերթ ընտրությունների․ Հովիկ Աղազարյանը փակագծեր է բացում

«Այս շարժման կազմակերպիչներն ու դերակատարները ակնհայտ են, պետք է խոստովանել, որ այս անգամ ընտրել են մի մարդու, ով  ամենասրիկան չէ հոգեւորականների մեջ եւ որոշակի հարգանք է վայելում որոշ շրջանակների կողմից։ Եվ այդ իմաստով նախկին նախագահների տանդեմի շուրջ հավաքված մարդիկ ճիշտ ընտրություն են կատարել, բայց ակնհայտ է նաեւ, որ նրանց շուրջ հասարակությունը չի հավաքվում, հասարակության լայն շերտերի վստահություն չեն վայելում հանրության։ Նրանք հիմա ամեն գնով հրապարակ կբերեն Արցախից բռնի տեղահանված մեր եղբայրներին եւ քույրերին, որպեսզի իմիտացիա ստեղծեն բազմամամարդ միջոցառման, որոնց միջից կջոկեն 200-250 գլխակերների, որոնց միջոցով կփորձեն իրականացնել պետական հեղաշրջոււմ, որպեսզի հետ գան իշխանության»,-անդրադառնալով մայիսի 9-ին կայանալիք հանրավաքին, ասաց ԱԺ «Քաղաքացիական պայմանագիր» խմբակցության պատգամավոր Հովիկ Աղազարյանը, ընդգծելով․

-Բայց, պետք է հիասթափեցնեմ վերջիններիս, որովհետեւ մենք շատ լավ տիրապետում ենք նրանց սցենարներին, իրենք արդեն երեք տարի է նույն սցենարով են առաջնորդվում, արզապես դերակատարներին են անընդհատ փոփոխում, սա էլ երեւի նրանց, այսպես կոչված, վերջին հնարավորություններից մեկն է, որը եւս անհաջողության է մատնված։ Չենք կարող նոր հոկտեմբերի 27 անել, դա մենք նրանց թույլ չենք տա։

-Այսինքն իշխանափոխության լուրջ սպառնալիք այս պահին չե՞ք տեսնում։

-Նրանց հույսն այն է, որ ինչ-որ մի օր նրանց կհաջողվի մեր թիմի պատգամավորներից որեւէ մեկին համոզել անցնել իրենց շարքերը, բայց ես Ձեզ վստահեցնում եմ, որ դա անհնար է։ Որովհետեւ ինչպես մեր ժողովրդի ճնշող մեծամասնությունը այնպես էլ մեր խմբակցությունը կանգնած է վարչապետի կողքին, կուռ եւ անսասան, վստահում ենք մեր վարչապետին եւ իր կողմից տարվող քաղաքականությանը։

-Պարոն Աղազարյան, ո՞ր դեպքում է հնարավոր, որ վարչապետը հրաժարական տա։

-Վարչապետը կգնա նոր արտահերթ ընտրությունների, եթե օրինակ150-200 հազար մարդ հավաքվի փողոցներում, այ այս դեպքում հնարավոր է։  

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝