Որոնք են մագնեզիումի դեֆիցիտի ախտանշանները, հնարավոր հետևանքներն ու խնդրից ազատվելու միջոցները

Մագնեզիումը մարդու օրգանիզմի համար ամենակարևոր հանքանյութերից մեկն է, որի մեծ մասը պարունակվում է ոսկրային հյուսվածքներում: Այս տարրի դեֆիցիտը կարող է բազմաթիվ տհաճ հետևանքներ ունենալ, մինչդեռ հաճախ մարդիկ անգամ գլխի չեն ընկնում խնդրի առկայության մասին:

Առայժմ գոյություն չունեն հստակ թեստեր, որոնք թույլ կտան հայտնաբերել մագնեզիումի դեֆիցիտը, սակայն կան որոշակի ախտանշաններ, որոնք կարող են նախազգուշացնել այս խնդրի մասին:

Մագնեզիումը պատասխանատու է տարբեր գործառույթների համար: Այս կարևոր տարրն օգնում է.

կարգավորել արյան ճնշումը,

ամրապնդել ոսկորներն ու կանխել օստեոպորոզի զարգացումը,

կանխարգելել սրտի հիվանդությունները,

բուժել շաքարային դիաբետն ու ասթման,

ազատվել դեպրեսիայից ու անհանգստությունից,

կարգավորել քունը,

ստեղծել սպիտակուցներ,

ազատվել ավելորդ քաշից,

կարգավորել արյան շրջանառությունը,

կանխել սրտի նոպան ու գլխուղեղի կաթվածը:

Մագնեզիումի դեֆիցիտի մասին վկայող ախտանշանները

Այս տարրի դեֆիցիտի դեպքում մարդը որպես կանոն դյուրագրգիռ ու անհանգիստը է դառնում և հաճախ է սթրեսի ենթարկվում: Բացի այդ, Մագնեզիումի դեֆիցիտը կարող է դրսևորվել նաև էներգիայի պակասով: Այս տարրի պակասի մասին են վկայում նաև այնպիսի ախտանշանները, ինչպիսին են.

աղմուկի նկատմամբ գերզգայունությունը,

քնի խանգարումներն ու գլխացավերը,

ընկճախտը (դեպրեսիա),

մարմնի ջերմաստիճանի տատանումները,

մկանների լարվածությունն ու ոտքերի ջղաձգումները,

մարսողական խնդիրները և այլն:

Ոմանց մոտ մագնեզիումի պակասը դրսևորվում է ախորժակի կորստով կամ սրտխառնոցով: Այս խնդրից հարկավոր է հնարավորինս արագ ազատվել, հակառակ դեպքում ժամանակի ընթացքում ախտանշաններն էլ ավելի են խորանում: Լուրջ դեպքերում կարող են ի հայտ գալ այնպիսի վտանգավոր խնդիրներ, ինչպիսին են սրտի ռիթմի խանգարումներն ու տրամադրության կտրուկ տատանումները:

Հարկավոր է հիշել, որ մագնեզիումը վատ է յուրացվում այլ հանքանյութերի դիսբալանսի դեպքում, ուստի հարկավոր է ուշադիր լինել նաև այլ տարրերի մակարդակի նկատմամբ։

Ինչ խնդիրներ կարող է առաջացնել մագնեզիումի դեֆիցիտը

Մագնեզիումը շատ կարևոր է սրտանոթային հիվանդությունների կանխարգելման համար, ուստի զարմանալի չէ, որ այս տարրի պակասը կարող է դառնալ սրտի նոպայի և սրտանոթային այլ հիվանդությունների զարգացման պատճառ:

Բացի այդ, մագնեզիումի պակասը կարող է նպաստել երիկամներում քարերի առաջացմանը, զարկերակային ճնշման բարձրացմանը, ինչպես նաև դաշտանային սպազմների, անքնության ու անգամ քաղցկեղի զարգացմանը:

Ինչպես խուսափել մագնեզիումի դեֆիցիտից

Օրգանիզմում մագնեզիումի առողջ մակարդակի պահպանման համար առաջին հերթին հարկավոր է պարզել, թե ինչն է նպաստում այս տարրի դեֆիցիտի զարգացմանը: Խնդիրը կարող է կապված լինել սննդակարգի, օգտագործվող ջրի քանակի, ինչպես նաև կոֆեինի, ալկոհոլի և վերամշակում անցած այլ մթերքի գործածության հետ: Բացի այդ, մագնեզիումի դեֆիցիտի պատճառ կարող է դառնալ նաև հորմոնալ հակաբեղմնավորիչների ու միզամուղ միջոցների գործածությունը:

Այս խնդրից խուսափելու համար հարկավոր է անպայման օգտագործել մագնեզիումով հարուստ մթերք: Մասնագետները խորհուրդ են տալիս սննդակարգում ներառել.

մուգ կանաչ տերևավոր բանջարեղեն,

արևածաղկի ու դդմի սերմեր,

ոսպ, լոբի, ոլոռ ու սիսեռ,

ավոկադո, բրինձ ու բանան,

Հարկ է հիշել, որ մագնեզիումի յուրացման հարցում շատ մեծ նշանակություն ունի վիտամին D-ն, ուստի հարկավոր է բավարար ժամանակ անցկացնել արևի ճառագայթների տակ և սննդակարգում ներառել ձկան յուղ, թունա ձուկ, սնկեր, ձվի դեղնուց, կաթ ու պանիր:

Նյութի աղբյուրը՝ budetezdorovy.ru

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝