Զիրոյանը, Պոնչը, Լիլիթ Սարգսյանը և Մանե Մխոյանը՝ «Սրտի վալետ» հումորային կատակերգությունում (լուսանկարներ)

Ապրիլի 29–ից Արմենիա հեռուստաընկերության եթերում կլինի 16 մասից բաղկացած սիրային կատակերգություն, որի գլխավոր դերասաններն են Պոնչը, Զիրոյանը և Լիլիթ Սարգսյանը։ Tert.am Life–ը ներկա է եղել նկարահանումներին և ներկայացնում է հարցազրույցներն ու BACKSTAGE լուսանկարները։

«Սրտի վալետ»–ին մարմնավորում է դերասան Զիրոյանը, որը նշում է՝ բոլորն ունեն սիրո կարիք։
«Ես մարմնավորում եմ Էդգարին, որն օգնում է այն տղաներին, որոնք ունեն բարդույթներ, կարծրատիպեր և չեն կարողանում արտահայտել իրենց մտքերն ու զգացողությունները և հերոսս փորձում է օգնել նման տղաներին՝ դարձնելով դա իր աշխատանքը»,– ասաց Զիրոյանը։ 

Դերասանը նշեց, որ ուրախ է այս նախագծում նկարահանվել իր լավ ընկերոջ՝ Պոնչի հետ։

«Այս պատմության մեջ ես օգնելու եմ հերոսին հասնել իր սիրելիին և ուրախ եմ, որ նկարահանան հրապարակում Պոնչի հետ եմ, որն իր հերթին մարմնավորում է Դավիթ անունով երիտասարդի, որը կուրորեն սիրահարված է Նարեին, իսկ ես իրեն օգնելու եմ այդ հարցում։»,– ասաց Զիրոյանը։ 

Հեռուստադիտողը երիտասարդ դերասանուհին Լիլիթ Սարգսյանին ճանաչում է տարբեր հեռուստանախագծերից, բայց հումորային ժանրում դերասանուհին ներկայանալու է առաջին անգամ։
«Այս նախագծում մարմնավորելու եմ Նարեին, որը բարի և դրական լիցքերով աղջիկ է և կարող եմ ասել, որ ինձ համար, թե՛ ձևաչափը, թե՛ հերոսուհին լիովին նոր են։ Նախորդ նախագծից հետո տևական ժամանակ է անցել և ուրախ եմ, որ եթեր եմ վերադառնում հումորային նախագծով՝ աշխատելով նոր անձնակազմի հետ։ Կարող եմ ասել, որ ամեն քայլափոխի սովորում եմ բոլորից»,– ասաց Լիլիթ Սարգսյանը։

Դերասանուհու վերջին նախագծերից էր «Սև արկղ» հեռուստասերիալը, որտեղ նա մարմնավորում էր գլխավոր հերոսուհուն։

«Ինձ իսկապես պետք էր եթերային դադարը, որպեսզի հասկանամ՝ ինչ եմ ուզում ես, արդյոք պատրաստակամ եմ կրկին նկարահանվել երկարաժամկետ նախագծերում և հենց այդ ժամանակահատվածում էլ եկավ այս առաջարկն ու լսելով 16 մասի մասին տվել եմ հավանությունս»,– եզրափակեց դերասանուհին։ 

Նախագծում նաև նկարահանվում են Հայկ Պետրոսյանը, Մանե Մխոյանը և մի շարք այլ դերասաններ։

https://www.tert.am/life/am/news/2024/04/25/srtivalet/92516

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝