Անկանխատեսելի ելքով պաթոլոգիա, որը 80 % դեպքերում կարող է ընթանալ անախտանիշ.«Բժշկի մոտ» հաղորդաշարի հյուրը անոթային վիրաբույժ Գենադի Օրբելյանն է
ԱռողջապահականՀանկարծամահություն առաջացնող ցանկացած հիվանդություն սարսափ է առաջացնում և հաճախ չենք էլ ցանկանում մանրամասն ուսումնասիրել դրանք՝ մեր գլխում բացասական մտքեր չառաջացնելու համար: Իսկ, որպեսզի կարողանանք ժամանակին ախտորոշել ցանկացած պաթոլոգիա, պետք է ժամանակին դիմել բժիշկներին, քանի որ կան պաթոլոգիաներ, որոնք հիվանդության սկզբնական փուլում կարող են ընթանալ անախտանիշ: ՆՄան պաթոլոգիաներից մեկն էլ անեւրիզման է:
«Նորք Մարաշ» ԲԿ-ի անոթային վիրաբույժ Գենադի Օրբելյանը «Բժշկի մոտ» հաղորդաշարի շրջանակներում խոսել է հիվանդության պատճառների, բուժման եւ անախտանիշ լինելու մասին: Մասնավորապես անոթաբանի խոսքերով.
-Անեւրիզմայի վատ կողմերից մեկն այն է, որ մոտավորապես 80 % դեպքերում, այսինքն՝ 5-ից 4-ի մոտ, կարող է անախտանիշ լինել և չդրսևորվել մինչև պատռվելու պահը: Մյուս դեպքերում առկա են որոշակի ախտանիշներ: Դրանք են՝ որովայնի, մեջքի, գոտկատեղի ցավերը, որովայնի հատվածում պուլսացող գոյացության առկայությունը: Երբեմն պատահում է, որ անևրիզմայի խոռոչում առաջանում են թրոմբներ, որոնք կարող են արյան հոսքով պոկվել, խցանել ստորին վերջույթների զարկերակները և դրսևորվել ստորին վերջույթների սնուցման խանգարմամբ՝ իշեմիայով:
Կան մի շարք գործոններ, որոնք նպաստում են աորտայի անևրիզմայի առաջացմանը: Դրանք են` աթերոսկլերոզը (անոթների կարծրացումը), երբ ճարպը և այլ նյութեր կուտակվում են անոթի պատի ներսում: Բարձր զարկերակային ճնշումը, ինչը ժամանակի ընթացքում վնասում է աորտայի պատը և թուլացնում այն: Անոթների որոշ բորբոքային հիվանդությունները, որոշ ինֆեկցիաները, վնասվածքները։
Ռիսկի մեկ այլ գործոն է տարիքը. անևրիզման առավել հաճախ հանդիպում է 65 տարեկանից բարձր անձանց մոտ: Ռիսկի գործոն են նաև այլ տեղակայման անևրիզմաները. օրինակ, եթե առկա է ենթածնկային զարկերակի անևրիզմա, ապա հավանականությունը մեծ է, որ հիվանդը կարող է ունենալ նաև որովայնային աորտայի անևրիզմա: Կարևոր ռիսկի գործոն է նաև ժառանգականությունը, ուստի այն մարդկանց, որոնց մոտ հարազատներն ունեն կամ ունեցել են որովայնային աորտայի անևրիզմա, խորհուրդ է տրվում 50 տարեկանից հետո անպայման ստուգվել:
Բաժանորդագրվե՛ք https://t.me/iravunk
1
47487 դիտում
2
16578 դիտում
3
7171 դիտում
4
4403 դիտում
5
3667 դիտում
2
25969 դիտում
4
9936 դիտում
5
9097 դիտում
3
23665 դիտում
5
15207 դիտում
