ԶԱՐՄԱՆՔ

ՆԻԿՈԼԸ ու իր թայ­ֆեն սար­սա­փե­լի աս­տի­ճա­նի վա­խե­ցած են: Օ­րերս կա­ռա­վա­րութ­յան մի շեն­քից մյու­սը անց­նե­լու հա­մար ­Նի­կո­լը 50 մետ­րը ան­ցավ մոտ 50 թիկ­նա­պահ­նե­րի ու­ղեկ­ցութ­յամբ, իսկ ԱԼԵՆ ՍԻՄՈՆՅԱՆԸ Ե­րե­ւաի փո­ղոց­նե­րով եր­թե­ւե­կե­լիս նույն­պես ի­րեն շրջա­պա­տում է մի քա­նի թիկ­նա­պա­հա­կան եւ ոս­տի­կա­նա­կան մե­քե­նա­նե­րով: ­Զար­մա­նա­լի է, ե­թե այդ­քան վա­խե­ցած եք, ին­չո՞ւ չեք դա­դա­րեց­նում ձեր հա­կա­հայ­կա­կան գոր­ծու­նեութ­յու­նը: Ին­չո՞ւ չեք թող­նում-գնում…

­Հա­յաս­տան պաշ­տո­նա­կան այ­ցով այ­ցե­լած Վ­րաս­տա­նի վար­չա­պետ ԻՐԱԿԼԻ ԿՈԲԱՁԵՆ հա­վա­նա­բար զար­մա­ցել էր, որ իր այ­ցե­լութ­յու­նը Ե­ղեռ­նի հու­շար­ձան, ըստ էութ­յան, չէր լու­սա­բան­վել. այս­պես` վար­չա­պե­տի պաշ­տո­նա­կան կայ­քում ըն­դա­մե­նը նշված է, որ «Ի­րակ­լի ­Կո­բա­խի­ձեն այ­ցե­լել է ­Ծի­ծեռ­նա­կա­բեր­դի հու­շա­հա­մա­լիր»: Այ­սինքն` ­Նի­կո­լը նույ­նիսկ վա­խե­նում է ­Հա­յոց ցե­ղաս­պա­նութ­յան հա­մա­լի­րը ճիշտ ան­վա­նել, դրա փո­խա­րեն նշե­լով «Ծի­ծեռ­նա­կա­բեր­դի հա­մա­լիր»: ­Կո­բա­ձեի այ­ցի օ­րա­կար­գում չկար նաեւ Ա­մե­նայն հա­յոց կա­թո­ղի­կո­սի հետ հան­դի­պու­մը: Մ­նում է զար­մա­նալ, որ ե­թե ­Նի­կո­լը ­Ցե­ղաս­պա­նութ­յուն բա­ռը չի ար­տա­բե­րում թուր­քե­րի ա­հից, ա­պա խա­չից վա­խե­նում է ե­րե­ւի թե սա­տա­նա­յի ա­հի՞ց:

­Ռուս սահ­մա­նա­պահ­նե­րի «Զ­վարթ­նոց» օ­դա­նա­վա­կա­յա­նից օ­գոս­տո­սի 1-ից հա­նե­լու ո­րոշ­ման հիմ­նա­վոր­ման մեջ ՀՀ ԱԳՆ-ն ն­շում էր, թե ­Հա­յաս­տա­նը ար­դեն իսկ ու­նի հա­մա­պա­տաս­խան կա­ռույց­ներ եւ կա­րո­ղութ­յուն­ներ սահ­մա­նի պահ­պան­ման հար­ցը ինք­նու­րույն լու­ծե­լու հա­մար: ­Սա­կայն պարզ­վեց, որ ՀՀ սահ­մա­նա­պահ զոր­քե­րը նոր-նոր հայ­տա­րա­րութ­յուն են տա­լիս Զ­վարթ­նո­ցում սահ­մա­նա­պահ գոր­ծու­նեութ­յուն ի­րա­կա­նաց­նե­լու հա­մար կրտսեր սպա­յա­կան կազ­մը հա­վա­քագ­րե­լու նպա­տա­կով: Այ­սինքն` «փո­ղո­ցից» մարդ­կանց են հա­վա­քագ­րում օ­դա­նա­վա­կա­յա­նի սահ­մա­նա­պահ ծա­ռա­յութ­յան հա­մար: Այս­պի­սով, ԱԳՆ-ն ­հեր­թա­կան ան­գամ սուտ ա­սաց, երբ նշում էր, որ ­Հա­յաս­տա­նը ար­դեն իսկ ու­նի փո­խա­րին­ման հնա­րա­վո­րութ­յուն. իսկ այն, որ փո­ղո­ցից մար­դիկ զբա­ղեց­նում են այս կամ այն պաշ­տո­նը 2018 թվա­կա­նից հե­տո, երբ ­Նի­կոլն ու նի­կո­լա­կան­նե­րը զբա­ղեց­րին երկ­րի ղե­կա­վար պաշ­տոն­նե­րը այ­լեւս զար­մա­նա­լի չէ:

ՀԱՅԱՍՏԱՆԻ ՊԱՏՎԻՐԱԿՈՒԹՅՈՒՆԸ չմիա­ցավ ՀԱՊԿ խորհր­դա­րա­նա­կան վե­հա­ժո­ղո­վի հայ­տա­րա­րութ­յա­նը, ո­րով դա­տա­պարտ­վում էր «Կ­րո­կուս սի­թի հո­լում» տե­ղի ու­նե­ցած ա­հա­բեկ­չութ­յու­նը: ­Լավ, այդ ինչ­քա՞ն է ստրկա­ցած ­Նի­կո­լը իր ա­րեւմտ­յան հրա­հան­գիչ­նե­րից, որ ան­գամ խու­սա­փում է դա­տա­պար­տել այն, ինչ դա­տա­պար­տել են հենց իր կար­գադ­րիչ­նե­րը Ա­րեւ­մուտ­քից. հե­տո էլ վեր­ջինս զար­մա­նա­լիո­րեն հարց­նում է, թե ի՞նչն է ա­նում սխալ, որ ռուս­նե­րը նրան չեն ըն­դու­նում: ­Նախ­կի­նում կա­տա­րած հար­յու­րա­վոր սխալ­նե­րին ա­վե­լա­ցավ եւս մե­կը: ­Զար­մա­նա­լի է, ­Նի­կո­լը իս­կա­պես չի՞ հաս­կա­նում, թե ինչն է սխալ ա­նում ՌԴ-ի հան­դեպ, թե՞ ի­րեն դնում է ռե­տի­նե խո­ղո­վա­կի տեղ:

­Մեզ զար­մաց­րեց ՖՐԱՆՍԻԱՅԻ ԿԱՌԱՎԱՐՈՒԹՅՈՒՆԸ, որն իբր ­Թուր­քիա­յի հետ լավ չի: ­Սա­կայն օ­րերս Ֆ­րան­սիան ­Թուր­քիա­յին հանձ­նեց վեր­ջի­նիս կող­մից պա­հանջ­ված մի քրդի: Այս խեղճ մար­դուն ­Թուր­քիա­յում սպա­սում են կտտանք­ներ եւ ան­մարդ­կա­յին սար­սա­փե­լի վե­րա­բեր­մունք: Այդ կա­պակ­ցութ­յամբ ­Փա­րի­զի օ­դա­նա­վա­կա­յա­նում նույ­նիսկ զանգ­վա­ծա­յին կռիվ ե­ղավ քրդե­րի ու Ֆ­րան­սիա­յի անվ­տան­գութ­յան աշ­խա­տա­կից­նե­րի մի­ջեւ: Ա­հա այս­պի­սի զար­մա­նա­լի ժո­ղովր­դա­վա­րութ­յուն ու մար­դու ի­րա­վունք­նե­րի հար­գանք է դրսե­ւո­րում Ֆ­րան­սիան: Իսկ ­Մակ­րոնն ու Էր­դո­ղա­նը, թեեւ ա­ռե­րե­ւույթ ի­րար վի­րա­վո­րում են եւ փո­խա­դարձ մե­ղադ­րանք­ներ շռայ­լում, սա­կայն տա­կից քրդե­րի հաշ­վին միմ­յանց լա­վութ­յուն են ա­նում:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝