Ռուսաստանը դեմարշ է հղել ԱՄՆ-ին
Միջազգային
Մարտի 18-29-ը Քինգսթոնում (Ջամայկա) անցկացվում է Ծովային ընդերքի միջազգային մարմնի խորհրդի նիստը, որը, ըստ 1982 թվականի ՄԱԿ-ի Ծովային իրավունքի կոնվենցիայի, կոչված է կարգավորելու ափամերձ պետությունների գործունեությունը՝ ազգային իրավասության ազդեցությանը չենթակվող ծովի ընդերքի տարածքներում: Դրա մասին ասված է ՌԴ ԱԳՆ հայտարարության մեջ:
Նիստի ընթացքում ռուսական պատվիրակությունը հայտարարել է, որ չի ճանաչում 2023 թվականի դեկտեմբերին Միացյալ Նահանգների կողմից միակողմանիորեն հայտարարված մայրցամաքային շելֆի արտաքին սահմանները՝ բազային գծերից 200 ծովային մղոնից անդին, որտեղից տարածքային ծովի լայնությունը չափվում է Համաշխարհային օվկիանոսի յոթ շրջաններում։ Այս կերպ, Միացյալ Նահանգները միակողմանի գործողությունների միջոցով փորձում է նվազեցնել ծովի հատակի տարածքը, որը գտնվում է Ծովային ընդերքի միջազգային մարմնի, այսինքն՝ ամբողջ համաշխարհային հանրության կառավարման ներքո, և սեփական օգտագործման համար ձեռք բերել լրացուցիչ շելֆի տարածքներ (մոտ 1 միլիոն քառ. կմ):
ԱՄՆ-ի միակողմանի քայլերը չեն համապատասխանում միջազգային իրավունքով սահմանված կանոններին ու ընթացակարգերին։ Ռուսական պատվիրակությունը քննադատել է Միացյալ Նահանգների ընտրովի մոտեցումը միջազգային իրավունքի կիրառման հարցում, որը շեշտը դնում է իր իրավունքները և լիովին անտեսում իր պարտավորությունները: ՌԴ-ն չի ընդունել 1982 թվականի կոնվենցիայի նորմերը բացառապես իր շահերին ծառայեցնելու՝ Վաշինգտոնի հերթական փորձերը:
Ավելի վաղ երկկողմանի գծով համապատասխան դեմարշ էր հղվել ամերիկյան կողմին։
1
19136 դիտում
2
4084 դիտում
3
3646 դիտում
4
2689 դիտում
5
2593 դիտում
1
26113 դիտում
3
9024 դիտում
4
8160 դիտում
1
48326 դիտում
2
27099 դիտում
4
21891 դիտում
