Ո՞ւմ ախորժակն է աղի լիճը. նոր խոլերիայի բուն Աղի լճում.տեսանյութ

Երևանում շատերիս հայտնի աղի լիճը վտանգի տակ է։ iravunk.com-ը ահազանգ ստացավ լճից երկար տարիներ օգտվողներից առ այն, որ արդեն 3֊4 ամիս է կոյուղաջուրը պայթել և լցվում է աղի լիճը, ոչ մի պատկան մարնին իր վրա չի վերցնում պատասխանատվություն այն նորոգելու համար։ Մեր հետ զրույցում, աղի լճից երկար տարիներ օգտվող Հրաչ Թարխանյանը իրավիճակը ներկայացրեց հետևյալ կերպ.

Այս լճից օգտվում են երևանցիները, և ոչ միայն։ Սարի թաղի կոյուղա գիծը կոտրվել է և ամբողջ կոյուղաջրերը լցվում են այդ լիճը արդեն 3֊4 ամիս է։ Սրտացավ մի խումբ տղաներ դիմել են գրեթե բոլոր համապատասխան մարմիններ, բայց անդրշիրիմյան լռություն է։ Այսօր այս վայելքի տեղը վեր է ածվել խոլերիայի։ Մենք արդեն քանի օր է հերթապահում ենք լճի մոտ, որ երեխաները կամ չիմացող մարդիկ չգան էստեղ միամիտ լողանան ու աղիքային հիվանդություն ստանան։ Սա աղետ է, մեկ ամիս է պայքարում ենք, Վիոլա ջուրն ասում է` ես նման տարածք չունեմ, Էրէբունու հանայնքապետարանն ասում է իմ կոմպետենցիայից դուրս է, սանեպիտկայանն ասում է դա իմ խնդիրը չէ։ Հիմա մենք ի՞նչ անենք։ 

Iravunk.com-ի որոշ աղբյուրներ մեզ փոխանցեցին, որ այս ամենն միտումնավոր է արվում, քանի որ խոսակցություններ են պտտվում, որ տարածքն ուզում են սեփականաշնորհել։ 

Ստեղծված իրավիճակի առընչությամբ Iravunk.com-ը զանգահարեց համաճարակաբան, Սննդի անվտանգության պետական ծառայության նախկին պետ Գրիգոր Գրիգորյանին, ով ստեղծված իրավիճակը մկնաբանեց հետեվյալ կերպ․ 

«Կոյուղաջրերում գոյություն ունեն մի շարք հարուցիչներ կյանքի եվ առողջության համար վտանգավոր, եթե հաշվի առնենք, որ որեւէ միջամտություններ չեն արվում։ Նման դեպքերում, պետք է պետական մակարդակով հայտարարություններ անեն, որ խստիվ արգելվում է եվ խորհուրդ չի տրվում լողալ այդ լճում Իսկ լողալու դեպքում հիվանդությունները կարող են փոխանցնվել մարմնի տարբեր անցքերից։ Էլ չեմ ասում, որ աղիների վարակում կարող է տեղի ունենալ խոլերիայից, տիֆից։ Ես ներկա պահին չեմ կարող ասել, թե ինչ հարուցիչնեի ներկապնակներ կարող են ի հայտ գալ, բայց նման դեպքերում, նորմալ երկրներում պետք է ժամանակ առ ժամանակ նմուշառումներ կատարեն եվ, եթե կան հարուցիչներ պետք է դրանց դեմ պայքար տանեն»։ 

ՀԳ․ Տեսնես ո՞ւմ ախորժակն է բացվել աղի լճի շուրջ։ 

Ա. ՀԱԿՈԲՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝