Դանակահարություն Երևանում. 2 անչափահասներ տեղափոխվել են հիվանդանոց
Քրեական
Երեկ՝ մարտի 22-ին, դանակահարություն է տեղի ունեցել Երևանում։ Ժամը 16:55-ի սահմաններում «Սուրբ Աստվածամայր» բժշկական կենտրոնից ՀՀ Ներքին գործերի նախարարության Ոստիկանության Մաշտոցի բաժին ահազանգ է ստացվել, որ շտապօգնության բժիշկների թիվ 21 խումբը «պոլիտրավմա և կրծքավանդակի ձախ շրջանի կտրած-ծակած վերք» և «գլխուղեղի վնասվածք» ախտորոշմամբ իրենց մոտ է տեղափոխել 2 երեխա։
Ինչպես հայտնում է ֆոտոլրագրող Գագիկ Շամշյանը, ահազանգով հիվանդանոց է մեկնել ոստիկանության Մաշտոցի բաժնի խումբը՝ բաժնի պետ Կարեն Բունիաթյանի և բաժնի պետի օպերատիվ գծով տեղակալ Գևորգ Պողոսյանի գլխավորությամբ։
Տեղում բժիշկները ոստիկաններին հայտնել են, որ վիրավորներն ի վիճակի չեն կատարվածի մասին բացատրություն տալու, քանի որ գտնվում են վիրահատարանում։
Մինչ բժիշկները պայքարում էին վիրավորների կյանքի համար, ինչը նրանց հաջողվել է, ոստիկանության Մաշտոցի բաժնի քրեական հետախուզության բաժանմունքի և անչափահասների բաժանմունքի աշխատակիցները պարզել են, որ վիրավորներն են Երևանի բնակիչներ 17-ամյա Ալեքսանդր Բ.-ն և 16-ամյա Վ. Հ.-ն։
Ոստիկանները պարզել են, որ նշված անձինք հիվանդանոց են տեղափոխել Բաշինջաղյան փողոցից՝ «Էտալոն» սուպերմարկետի մոտից։
Արդեն դեպքի վայրում ոստիկանները հայտնաբերել են արնանման հետքեր։
Ահազանգով դեպքի վայր են ժամանել ՀՀ քննչական կոմիտեի Երևան քաղաքի քննչական վարչության Աջափնյակ և Դավթաշեն վարչական շրջանների քննչական բաժին խումբը՝ բաժնի պետ Էդգար Բալոյանի գլխավորությամբ։
Դեպքի փաստով քննչական բաժնում «առողջությանը վնաս պատճառելու» հատկանիշներով նախաձեռնվել է քրեական վարույթ։
Ոստիկանությունն ու քննչական բաժինը ձեռնարկում են անհրաժեշտ միջոցառումներ՝ դեպքի հանգամանքները պարզելու, մասնակիցներին և հանցագործության գործիք առարկան կամ առարկաները հայտնաբերելու ուղղությամբ
1
24736 դիտում
2
3708 դիտում
3
1853 դիտում
4
1617 դիտում
5
1504 դիտում
1
41122 դիտում
3
8972 դիտում
4
8133 դիտում
5
5040 դիտում
3
17156 դիտում
4
10520 դիտում
5
9908 դիտում
