Ձեռառնոցի է` ուրիշ ոչինչ. Քաղաքացիները էլեկտրոնային դեղատոմսերի մասին

Մարտի 1-ից մի շարք դեղեր գնելիս պետք է էլեկտրոնային դեղատոմս ներկայացնել։ Սահմանափակումը վերաբերում է հակաբակտերային, հակասնկային, հակամիկոբակտերիային, հակավիրուսային դեղերին, տարբեր շիճուկներին և պատվաստանյութերին։ Առայժմ 470 անուն դեղ է միայն այդ եղանակով վաճառվելու, իսկ 2025-ի հունվարի 1-ից այս ցանկում կներառվի ևս 2566-ը:

Քաղաքացիները վրդովված են կառավարության որոշումից։ Հակաբիոտիկ, հակասնկային, հակավիրուսային և այլ նշանակության 470 անվանում դեղեր կարող են ձեռք բերել բացառապես էլետրոնային դեղատոմսով և անձնագրի առկայության դեպքում միայն։ Մինչ կառավարությունում կարծում են՝ այսպիսով քաղաքացիները զերծ կմնան ինքնաբուժումից, նշանակված դեղամիջոցն այլ դեղով փոխարինելու ինքնուրույն որոշումից, դեղերի անհարկի կիրառումից, քաղաքացիները սրտնեղում են. իսկ ինչպե՞ս վարվել տոնական կամ շաբաթ և կիրակի օրերին։ Հատկանշական է, որ քաղաքացիների դժգոյությունները կիսում են նաեւ դեղատան եւ պոլիկլինիկայի աշխատակիցները:

«Մարդիկ անընդհատ բժիշկին դիմելու, պոլիկլինիկաներում ժամերով սպասելու են, որպեսզի դեղատոմս ստանան։ Հասկանում ենք, որ դեղերը պետք է նշանակվեն բժիշկի կողմից, նրա հսկողությամբ, բայց դա կարելի էր աստիճանաբար անել, առաջին սերնդում լինեին 3-րդ սերնդի հակաբորբոքային դեղերը, և աստիճանաբար տարիների ընթացքում հասնել մի իրավիճակի, որ սինխրոն աշխատեն հիվանդանոցային օղակները, պոլիկլինիկաները, դեղատները»։

Դեղատոմսով են դուրս գրվում նաև հորմոնալ դեղերը, որոնք երևի թե ամենապահանջվածն են մեր հասարակությունում։ Շատերը նույնիսկ կառավարության որոշումից անմիջապես հետո շտապել են դեղատներ՝ տուփերով գնելու անհրաժեշտ դեղորայքը հետագա «գլխացավանքից» ազատվելու համար։

 Մանրամասները տեսանյութում

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝