Սերժ Սարգսյանը, ինչպես միշտ, բարձրության վրա էր՝ իրեն հատուկ զսպվածությամբ եվ հավասարակշռվածությամբ. Ներսիսյան

«Իրավունք»-ի հետ զրույցում ՀՀ վաստակավոր արտիստ ԳԱՅԱՆԵ ՆԵՐՍԻՍՅԱՆՆ անդրադարձել է Հանրային հեռուստատեսության եթերում ԱԺ պաշտպանության եւ անվտանգության հարցերի մշտական հանձնաժողովի նախագահ Անդրանիկ Քոչարյանի հարցազրույցին, որտեղ վերջինս փորձում էր հակադարձել նույն օրը լրագրողների հետ ճեպազրույց ունեցած ՀՀ երրորդ նախագահ Սերժ Սարգսյանին:

— Փետրվարի 15-ին լրագրողները հարցեր ուղղեցին մեր մեծարգո նախագահ Սերժ Սարգսյանին, ով ինչպես միշտ՝ լինելով բարձրության վրա, իրեն հատուկ զսպվածությամբ եւ հավասարակշռվածությամբ պատասխանեց: Նույն օրը Պետրոս կոչվածի մոտ հարցազրույց էր տալիս Անդրանիկ Քոչարյանը, եւ երբ հարց տրվեց նրան՝ Սերժ Սարգսյանի պատասխանները մեկնաբանելու վերաբերյալ, խիստ ջղաձգվեց եւ ամեն ճիգ գործադրելով` փորձում էր անպատշաճ ձեւով հակադրվել Սերժ Սարգսյանին: Ինչպես միշտ, ըստ ՔՊ-ականների, մեր երկրի ողջ ավերածությունները բարդելով նախկինների վրա՝ Քոչարյանը ճիգ ու ջանք չէր խնայում ներկայացնելու, թե ինչպիսի «շինություններ» է կատարում սահմանի վրա այս մահաբեր իշխանությունը: Քոչարյանն իրենց կատարած «շինություններն» ավելի պատկերավոր նկարագրելու համար՝ դրանք անվանեց բերդ, հետո որոշեց ժողովրդին զարմացնել «բերդ»-ը փոխելով «ամրոց»-ով: Լավ է գոնե չհասավ Անիի ամրոցին: Ցավոք, դուք՝ ՔՊ-ականներով՝ ազգակործան դավաճանի (հիշեցնեմ` այս բառակապակցությունը կնքել է Լեւոն Տեր-Պետրոսյանը) գխավորությամբ, քանդեցիք մեր երկու կայացած պետությունները: Բայց այս աշխարհում ամեն ինչ վերջ ունի, երբեւէ մտածե՞լ եք, թե ձեր մահաբեր իշխանությունն ինչ պատասխան պետք է տա վերջում:

ՀՐԱՆՏ ՍԱՐԱՖՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝