Կյանքից հեռացել է ՀՀ ժողովրդական արտիստ Հակոբ Ազիզյանը Վլադիմիր Պուտինն իր հետ միջուկային ճամպրուկը տարել է Չինաստան (Տեսանյութ) Տարադրամի փոխարժեքները նոյեմբերի 18-ին Արարատի մարզը՝ «կոկորդիլոսագետ» Գարիկի կուռացիայի տա՞կ Ուկրաինայի համար բեռներ փոխադրող հերթական մեծ բեռնանավը ոչնչացվել է Սև ծովում (Տեսանյութ) Պուտինը, Թրամփը և Սի Ցզինպինը «ոտքի վրա» կարճ հանդիպում ունեցան ՍԻՄ նախագահը կուսակցության գրասենյակում ընդունել է ՄԱՍԿ նախագահին Սա գաղափարական հենքի վրա ձեւավորված միասնություն չէ․ Արամ Սարգսյան Առողջության ապահովագրության համակարգի շահառուների թիվը կընդլայնվի ⚡️⚡️«Իրավունք» թերթի այսօրվա տպագիր համարում կարդացե՛ք...

Պառլամենտական հեղաշրջման մասին լուրերը հերքում է Հովիկ Աղազարյանը

Հանդիպում

«Որպես ՀՀ քաղաքացի ես շատ ուրախ եմ, որ իշխանությունը հետեւողական է կոռուպցիայի դեմ պայքարի իր որդեգրած  դրսեւորումներումներին, վստահ եմ, որ այն  շարունակական բնույթ է կրելու: Քանի որ, ցավոք, կոռուպցիան իսպառ արմատախիլ անել շատ դժվար է, գրեթե անհնարին: Կարեւորն այն է, որ կոռուպցիան համակարգային բնույթ չի կրում»,-անդրադառնալով էկոնոմիկայի նախարարությունում բացահայտված կոռուպցիոն սկանդալին, ասաց ԱԺ «Քաղաքացիական պամանագիր» խմբակցության պատգամավոր ՀՈՎԻԿ ԱՂԱԶԱՐՅԱՆԸ, միեւույն ժամանակ ընդգծելով.

-Որպես պատգամավոր կարող եմ ասել, որ Վահան Քերոբյանին առաջադրված մեղադրանքի մասով նախ պետք է հաշվի առնել անմեղության կանխավարկածը, պետք է սպասենք նախաքննական մարմնի ներկայացրած ապացույցներին, ապա արդեն դատական վճռին: ՀԻմա ինչ խոսք, երեւույթը շատ տգեղ է, մեր հեղախոխական արժեքներին ոչ հարիր:

-Ասում են, որ Վահան Քերոբյանին ստիպել են, որ հրաժարական տա, որից անմիջապես հետո նրան մեղադրանք առաջադրվեց: Իսկ, պատճառը, ըստ, մամուլում շրջանառվող լուրերի այն է, որ վերջինս անթաքույց պաշտպանում էր կոռուպցիայի մեջ մեղադրվող փոխնախարարին:

-Ես չեմ կարծում, որ նրան ստիպել են, գուցե առաջարկել են, իսկ ինչ մնում փոխնախարարին պաշտպանելուն, ապա եթե հաստատվեն վերջինիս մեղսագրվող մեղադրանքները, ապա նախարարը, իհարկե, պատասխանատու է: Եթե նրա աշխատակիցները, այսպես ասած, ոչ մաքուր գործընթացների մեջ են պետք է առներ դեմը, եթե չի առել, ուրեմն շատ վատ է: Այնպես, որ հիմա պետք է համբերությամբ զինվենք ու սպասենք իրավապահների վերջնական գնահատականներին:

-Պարոն Աղազարյան, նույն հաջողությամբ չե՞ք կարծում, որ Ալեն Սիմոնյանը եւս պետք է գոնե քաղաքական պատասխանատվության ենթարկվի, չէ՞ որ նրա ընտանիքի անդամը, ըստ մեղադրանքի, ուղիղ առնչություն ունի կոռուպցիոն սկանդալի հետ:

-Ես նորից եմ ասում, սա շատ նուրբ փուլ է, պետք է հաշվի առնենք անմեղության կանխավարկածը: Եթե պարզվի, որ Ալեն Սիմոնյանի ընտանիքի անդամը կոռուպցիոն սկանդալի մեջ, բնակաբար, դա իհարկե, կազդի Ալեն Սիմոնյանի վարկանիշի վրա։ 

-Ասում են, որ կոռուպցիոն սկանդալի բացահայտումն էլ պատահական չէր, դա Նիկոլ Փաշինյանի պատասխանն էր Ալեն Սիմոնյանի եւ մի շարք այլ պատգամավորների կողմից ծրագրվող պառլամենտական հեղափոխության:

-Հավատացնում եմ, որ նման դրսեւորումներ չկան, եւ Ալեն Սիմոնյանը ՔՊ-ի առանցքային դեմքերից է, ով պահպաննում է հեղափոխության արժեքները : Եվ ես կարծում եմ, որ Ալեն Սիմոնյանը վարչապետի ամենահավատարիմ զինակիցներից մեկն է:

-Այսինքն ներիշխանական խժդժություններ չկա՞ն:

-Ո՛չ, ավելին ես Ձեր հարցին այսպես պատասխանեմ, ՔՊ-ի թիմից յուրաքանչյուր ոք, ով այս այս ժամանակահատվածում աճել է, կայացել է, որպես քաղաքական գործիչ պարտական է բացառապես վարչապետ Նիկոլ Փաշինյանին: Եվ հետեւաբար թիմից որեւէ մեկը, եթե որոշի, որպես ինքնուրույն կայացած ֆիգուր ներկայանա հասարակության մոտ, ապա դրա հետեւանքները մշուշոտ կլինեն իրենց համար քաղաքական իմաստով: 

Հավանեցի՞ր հոդվածը, կիսվիր ընկերներիդ հետ